焱丸水產 (已結業)

得閑又走咗去食日本嘅新鮮漁產浜燒，日本野我真係難以抗拒，今次就揀咗喺銅鑼灣嘅焱丸水產，一入到去就見到個裝修好有味道，真係好似喺日本嗰啲居酒屋咁，最搞笑係佢啲音樂係用韓國團體嘅日文歌。蟹子蟹肉薯仔沙律＄78份量都幾多，咬到一絲絲既蟹肉。吞拿魚鮫＄228d肉好結實，因為充滿魚油，聞起上黎好香，份量都好多，外皮燒得好香脆。梭子魚＄228燒原條梭子魚，外皮燒得好香脆，陣魚油飄出黎咁香，係火炙中間d魚肉唔係熟晒，好有層次。 刺身5盛＄208有帆立貝，海膽，三文魚，吞拿魚同埋油甘魚，件件都好厚切，個海膽特別出色，本來以為浜燒店魚生唔係主打，海膽都唔望佢有質素，但原來一d都唔腥，甜甜地仲有d海水味。海膽天婦羅＄98外面炸到脆卜卜，因咬落去，紫菜入面包住壽司飯同埋海膽，煙煙銀銀，一咬開海膽味就撲出嚟，非常好食，又好有層次。味增甲羅燒＄136甲羅燒就食得多，呢度嘅甲羅燒，特別多材料，好多蟹子好多蟹肉，如果配個飯或者配片包會好啲，就咁食有少少流。味增海膽甲羅燒＄216除咗普通嘅甲羅燒，今次我哋仲叫咗呢個有海膽嘅甲羅燒試吓，海膽燒熟左嘅質感幾有趣，好似用咗喺個蟹膏入面咁，不過個味道有啲比蟹膏搶過左。螢光烏賊