旬彩火鍋

營業中

休息中

天氣轉凍 最啱打邊爐🍲最近去左一間新開嘅日本過江龍火鍋店，主打日式一人火鍋，有四個唔同價位嘅放題套餐。最平只需$158就食到120分鐘放題，湯底同牛肉嘅質素好高，真係超抵食呀！火鍋放題套餐C $238/位呢度嘅湯底選擇一共有八款，包括有壽喜、旨辛、昆布、飛魚湯同埋四款香港限定嘅湯底，分別係豚骨、豆乳、蕃茄同埋柚子貝柱湯。我哋就揀咗飛魚湯同豆乳湯，飛魚湯鮮味十足，豆乳湯嘅豆味亦好香濃，兩款都好高質。呢個套餐可以任食五款肉類，分別係美國肥牛、美國精選牛肉、西班牙栗豚、美國牛板腱同埋美國SRF極黑牛。全部牛肉嘅質素都好高，色澤亦都好亮麗，其中美國SRF極黑牛嘅油脂分布平均，食落口感好juicy，牛味香濃，絕對係必食之選。除咗五款牛同豚類之外，自助區仲有多款丸類、蔬菜同埋粉麵等等任君選擇。唔夠嘅仲可以scan QR Code order壽司、海鮮同其他熟食。飲料區嘅選擇亦都好多，想飲汽水或果汁都無問題，仲有自助沙冰機俾客人自己製作沙冰，有得玩又有得食，真係好過癮。