Parmenara

營業中

休息中

上星期至開張嘅日本過江龍平民意粉薄餅店，聽說係薩莉亞嘅勁敵，本人覺得無得比，薩莉亞係叮叮嘢，Parmenara（パルメナーラ）係現製嘅，店內唔算大，金魚缸般嘅開放式廚房全透明睇到點樣製作，12點10分到達攞飛，等咗40分鐘終於入座。煙肉奶油蛋黃意粉用砂鍋上，冒哂煙，好香，雞蛋要自己打落去，脆脆嘅煙肉，香奶黃汁掛滿有咬口嘅意粉，好好味。辛辣蕃茄意粉令胃口大開，唔太辣嘅辣度連老爸都食到。薄餅可以自選口味，點咗兩個共四種口味，餅皮薄，蕃茄瑪嘉烈特，勁意式感覺。白雪蜜糖芝士好香甜，最後係會encore一個作甜點。雜菌芝士同粟米忌廉芝士，食材本來嘅味道，調味啱啱好，整體好好味，係餅皮部分比較燶。卡邦尼意粉，汁唔太濃稠，基本上同煙肉奶油意粉差唔多。整體都好好味，但選擇並不多，主食只有意粉同薄餅。