Parmenara

營業中

休息中

近排喺新聞見到有一間日本平民連鎖薄餅意粉店進駐屯門，話會挑戰到薩莉亞嘅地位。咁小編就好奇去睇一睇係咪真係有機會取代到薩莉亞？佢就位於V city一田附近，地方唔大，但裝修都幾四正，用咗紅磚色嘅裝修，確實有歐洲意大利感覺。呢間過江龍源自名古屋，本身主打用平民價錢食到土鍋煮意粉、即製Pizza。不過小編一睇佢嘅價錢其實同薩莉亞有段距離，大概嘅價格維持在58至88之間。雖然話貴唔貴，但就未去到薩莉亞咁平。我哋就試咗：煙肉奶油蛋黃意粉 $78小編見佢嘅土鍋意粉，係會喺土鍋入面煮意粉同醬汁一段時間。相信係為咗令意粉更加入味，而土鍋可以有效維持熱度。所以食物想到枱仍然係熱辣辣，但味道上就唔算太特別，都係經典嘅忌廉汁加蛋汁，肩肉份量算幾多大大塊。至於意粉小編覺得係偏腍嘅，冇嗰種中間仍然係生生地嘅硬芯感覺。蟹肉白菜忌廉意粉 $88呢個意粉就以蕃茄忌廉味為主，整體偏淡。蟹肉味唔算突出，蟹肉份量適中。不過兩個意粉都有個特色/問題，就係醬汁偏稀，即使加咗蛋黃乳化同攤凍少少，醬汁仍然唔算好掛到上麵。所以就要潷啲汁、捲啲意粉咁樣食，有啲似食湯意粉。白雪蜜糖芝士薄餅 $68呢度嘅Pizza係即叫即搓即焗，新鮮即製

諗住係日本過嚟，就即管試一次！可惜失望！沒驚喜！當晚叫了一個Pizza、一碟意粉，配薯條及沙律菜。除咗疊意粉嘅芝士汁好多之外，其實其他嘢都好普通，但係冇諗到沙律的汁有點怪味，我相信是當中的橄欖油儲存得不佳而導致。當俾錢的時候跟服務員表達意見時，服務員第一時間只回應「唔會㗎啵！」，她的反應，令我頓時覺得大打折扣！整體上食物普通、員工禮貌欠佳！仲要排隊等候！如果用價錢及性價比，某集團S字頭的那一間可能還比較好一點！

上星期至開張嘅日本過江龍平民意粉薄餅店，聽說係薩莉亞嘅勁敵，本人覺得無得比，薩莉亞係叮叮嘢，Parmenara（パルメナーラ）係現製嘅，店內唔算大，金魚缸般嘅開放式廚房全透明睇到點樣製作，12點10分到達攞飛，等咗40分鐘終於入座。煙肉奶油蛋黃意粉用砂鍋上，冒哂煙，好香，雞蛋要自己打落去，脆脆嘅煙肉，香奶黃汁掛滿有咬口嘅意粉，好好味。辛辣蕃茄意粉令胃口大開，唔太辣嘅辣度連老爸都食到。薄餅可以自選口味，點咗兩個共四種口味，餅皮薄，蕃茄瑪嘉烈特，勁意式感覺。白雪蜜糖芝士好香甜，最後係會encore一個作甜點。雜菌芝士同粟米忌廉芝士，食材本來嘅味道，調味啱啱好，整體好好味，係餅皮部分比較燶。卡邦尼意粉，汁唔太濃稠，基本上同煙肉奶油意粉差唔多。整體都好好味，但選擇並不多，主食只有意粉同薄餅。

用餐時間：2025年3月26日 約18:30舖頭係一田超市個邊（我多數係ＭＴＲ 層行所以我都搵左一段時間先搵到😂），比較細間，到達時已經要等位，但只係等左幾分鐘，冇問題。但因為舖位較細，所以座位都比較逼。客人係睇到廚房，見到師傅手拉Pizza 同煮意粉，好似會安心啲。唔知係咪因為啱啱開張，所以食物選擇不多，只有幾款Pizza 同幾款意粉揀。今次同友人叫左一款Pizza 同一款意粉，分別係「博多明太子煙肉意粉 $78」&「白雪蜜糖芝士薄餅 $68」，要加一。Pizza 先上，咸香嘅芝士加埋微甜嘅蜜糖係幾好食嘅，但略嫌餅底太薄，應該只有2mm 左右。後上嘅意粉熱辣辣，仲附送一隻蛋，店員有介紹話係打埋落個意粉度撈好再食，但撈左之後就冇乜明太子味，只係冊普通嘅卡邦尼咁上下味，而且忌廉汁較稀，所以兩者選擇會比較鐘意Pizza。餐廳有兩個樓面，黑TEE女侍應態度不錯，跟我有說有笑的，但另一恤衫男(經理/店長?)就一般，神態比較茫然，不知是否新開張比較多野忙所致。最後講下價錢，因我未係日本食過呢間餐廳，我有專登GOOGLE 下睇下日本嘅Parmenara 幾錢先，原來都只不過係600幾-700幾Ye