影片
更多
2024-06-19
3676 瀏覽
-正宗日系餐廳裝修，使用大量木系傢俬，簡單唔使諗食咩，所以揀咗😋精選二人會席 （$358）🧡日式前菜日式螺肉粒粒爽口彈牙。🥗煙三文魚和風沙津（精選）經典沙律配搭: 沙律菜加上青瓜🥒粟米粒，配搭酸酸甜甜的和風醬汁，仲有煙三文魚，是一個清新嘅前菜。🍣三文魚刺身 / 油甘魚壽司2件三文魚同油甘魚都厚切，入口充滿油香，推薦！🦐什錦天婦羅🍤🍄🟫天婦羅包埋大蝦、香菇同南瓜，炸得夠鬆脆。🐟燒三文魚鮫腩三文魚較超級肥美，外皮經過燒烤，入面嘅油脂爆曬出嚟，肉質仲保持嫩滑，簡單鹽同黑椒調味已經足夠，超美味！🥣麵豉湯估唔到仲有一隻大蜆喺入面，隻蜆都鮮甜冇沙，配合麵豉湯一流。🥢野菜牛肉鍋呢個牛肉鍋使用壽喜燒醬汁，非常足料，除咗日本牛肉之外，仲有大量蔬菜：金菇菜、洋蔥、豆腐，仲有粉絲吸收咗甜甜嘅壽喜燒醬汁，味道👅都不錯。🍚日式炒飯炒飯石鍋承載保持溫度，炒飯好色彩繽紛，因為除咗有木魚絲、炒蛋、香蔥之外，入面仲有好細粒嘅雞髀肉，材料炒得好均勻，加咗少少燒汁，味道啱啱好唔會太鹹，以簡單嘅胡椒調味已經好足夠。🍧甜品「甜品每日都唔同，包你有驚喜」🥭芒果三色糕抹茶、椰汁、紅豆糕，上面再有香甜嘅芒果醬，軟滑三色糕加上酸甜芒
正宗日系餐廳裝修，使用大量木系傢俬，簡單唔使諗食咩，所以揀咗
😋精選二人會席 （$358）
🧡日式前菜
日式螺肉粒粒爽口彈牙。
🥗煙三文魚和風沙津（精選）
經典沙律配搭: 沙律菜加上青瓜🥒粟米粒，配搭酸酸甜甜的和風醬汁，仲有煙三文魚，是一個清新嘅前菜。
🍣三文魚刺身 / 油甘魚壽司2件
三文魚同油甘魚都厚切，入口充滿油香，推薦！
🦐什錦天婦羅🍤🍄🟫
天婦羅包埋大蝦、香菇同南瓜，炸得夠鬆脆。
🐟燒三文魚鮫腩
三文魚較超級肥美，外皮經過燒烤，入面嘅油脂爆曬出嚟，肉質仲保持嫩滑，簡單鹽同黑椒調味已經足夠，超美味！
🥣麵豉湯
估唔到仲有一隻大蜆喺入面，隻蜆都鮮甜冇沙，配合麵豉湯一流。
🥢野菜牛肉鍋
呢個牛肉鍋使用壽喜燒醬汁，非常足料，除咗日本牛肉之外，仲有大量蔬菜：金菇菜、洋蔥、豆腐，仲有粉絲吸收咗甜甜嘅壽喜燒醬汁，味道👅都不錯。
🍚日式炒飯
炒飯石鍋承載保持溫度，炒飯好色彩繽紛，因為除咗有木魚絲、炒蛋、香蔥之外，入面仲有好細粒嘅雞髀肉，材料炒得好均勻，加咗少少燒汁，味道啱啱好唔會太鹹，以簡單嘅胡椒調味已經好足夠。
🍧甜品
「甜品每日都唔同，包你有驚喜」
🥭芒果三色糕
抹茶、椰汁、紅豆糕，上面再有香甜嘅芒果醬，軟滑三色糕加上酸甜芒果，好食。
✨呢間餐廳性價比高，套餐內容多元化，從前菜到甜品都齊備，份量亦都好足，當中三文魚勁厚切，燒三文魚鮫腩勁肥美，2個人食到勁飽，可再食！
(๑´ڡ`๑)
張貼
