花貝日本料理 (已結業)

日本之旅三月先成行，喺出發日本之前，先食餐好嘅日本嘢，今次我哋揀咗位於銅鑼灣嘅花貝日本料理，因為網上見到大家對佢嘅評價都好高。首先我哋食一個蒸蛋，呢度嘅蒸蛋唔同平時嘅蒸蛋，因為佢有好新鮮嘅日本海膽喺面！可謂豪華日本蒸蛋！而佢嘅海膽份量一啲都唔吝嗇，至少有四片！每一片都係超新鮮嘅日本海膽，完全唔會有苦澀嘅味道，而且非常濃味，建議同蒸蛋撈埋一齊食，如果唔係真係濃可能會有點搶喉！接着我哋叫咗個胡麻醬燒黑豚肉沙律，呢個沙律真係唔嘢少！你見到佢豚肉嘅份量係超級多！撈埋啲菜咁樣食，好鮮，而且佢嘅黑豚肉燒得好香，好惹味，非常開胃。開咗個胃之後，我哋就食刺身啊，首先有三種刺身，有赤背、大蝦同埋油甘魚，不得不提佢嘅赤貝真係不得了！超級爽，極度新鮮！應該係我喺香港食過最好味嘅赤貝。之後我哋叫咗六件壽司，分別係吞拿魚三貫同埋炙燒壽司三貫，拖羅非常好味，佢嘅大拖羅都好足料，係厚切嘅壽司，非常肥美，色澤好靚，食落去超鮮甜，多汁，係日本嘅感覺！炙燒壽司都好有誠意，佢有炙燒和牛！入口即溶嘅靚牛，正呀。其中一件仲要係炙燒大拖羅，用另一種食法去感受大拖羅嘅油香，非常滿足，好正！之後有小食 鹽燒日本銀杏本來唔知咩叫日本銀