OKA'S

營業中

休息中

🏡舖頭有好多款飯團，大部分$10/個，價錢實惠，似屋企整既味道，每次經過都會見到有人企係舖頭對出自助食枱食野。🍙今次試左明太子、紫菜明太子同紫蘇昆布，鹹甜適中，雖然唔會話好濃味，但細嚼都係食到食材味道，適合偏好家庭味道既人，會再幫襯。🍗佢有幾個配搭可組合成餐，其中一款係兩個自選飯團加兩件炸雞，炸雞有驚喜，比較大件多肉，食落唔會覺得炸完放耐左同油膩。飯團同炸雞拎翻去雪凍擺過一晚再叮尼食，味道同堂食都差不多。👧🏻如果覺得淨食飯團比較淡味，可以試下炸雞，咁成個感覺變得剛剛好啦。女仔的話呢個餐都可當一餐，剛好夠飽。💰提提大家，舖頭即時付款嘅方式只有八達通，如果想俾現金或者其他，就要拎張單過隔離收銀處啦。而個收銀處通常都有唔少人排隊，都要等陣架。