曜謨串燒居酒屋

營業中

休息中

這間日本串燒居酒屋嘅位置，在幾年前已經有開日本串燒居酒屋。今次應該係第三間開門嘅日本餐廳。得閒睇見食評讚好，所以行過嘗試佢哋嘅星期日午餐。餐廳午餐定食非常花算，另外仲有午市特價串燒，選擇良多，價錢合理。兩個人叫咗一個串燒定食，包括了面豉湯、沙律、溫泉蛋同白飯，仲有六款串燒，$118價錢非常合理。另外叫咗兩客燒羊扒、白鱔、雞肉串、日本燒豆腐、西班牙青椒和香蔥牛柳。經理好好人，兩個人叫了一個定食，另外加送俾我哋一個湯、沙律同飯，可以兩個人每人一份。最後分量啱啱好，味道OK，覺得串焼可以再加多啲調味加鹽，好食嘅係白鱔！