影片
2025-03-11
0 瀏覽
嚟到呢一間燒肉屋我哋點咗個兩人前，呢度除咗兩人餐仲有啲放題任你揀。但係我哋食量都唔大所以揀咗個薄切A5和牛常滿二人前($699)。前菜佢哋係個蟹將軍薯仔沙律，半份都好夠兩個人食。沙律有一粒粒薯仔，仲有蟹肉添非常之開胃。然後再來一份蜜糖燒汁雞翼，餐廳有提供蜜糖汁俾你自己調製，每一度餸餐廳侍應都服務態度非常之好，會同你詳細講解嘅時間，尤其是和牛都唔可以燒得太熟，除咗碟上面會提供燒嘅資訊，餐廳侍應仲會溫馨提示嚟真係好Nice好體貼。當然係個A5宮崎和牛薄切，每幾秒就已經熟啦，油脂分泌平均，好Juicy好夠牛味。另外佢個牛舌都好值得一提，我呢個牛舌見到真係流晒口水。去完條喉切牛舌相嗰一刻我真係震驚咗，餐廳仲好細心幫你切好一截截，方便你燒嘅時候會快啲熟，尤其牛舌熟嘅時候都好難切開，呢一個Step真係非常體貼。除咗牛舌同和牛薄切之外，個餐仲跟多一份荔枝牛肩胛串，本身都唔知圓形嗰一粒係咩嚟，都係餐廳侍應講先知係荔枝，原來放埋喺個牛肩度燒係咁入味㗎。真係每一啖牛肉都有荔枝味好得意，配搭埋生菜食，非常之balance到個油膩感，荔枝嘅甜味再加埋生菜去平衡返油脂，食落都好有層次，值得一試，配搭埋個生蛋豉油
嚟到呢一間燒肉屋我哋點咗個兩人前，呢度除咗兩人餐仲有啲放題任你揀。但係我哋食量都唔大所以揀咗個薄切A5和牛常滿二人前($699)。前菜佢哋係個蟹將軍薯仔沙律，半份都好夠兩個人食。沙律有一粒粒薯仔，仲有蟹肉添非常之開胃。然後再來一份蜜糖燒汁雞翼，餐廳有提供蜜糖汁俾你自己調製，每一度餸餐廳侍應都服務態度非常之好，會同你詳細講解嘅時間，尤其是和牛都唔可以燒得太熟，除咗碟上面會提供燒嘅資訊，餐廳侍應仲會溫馨提示嚟真係好Nice好體貼。當然係個A5宮崎和牛薄切，每幾秒就已經熟啦，油脂分泌平均，好Juicy好夠牛味。另外佢個牛舌都好值得一提，我呢個牛舌見到真係流晒口水。去完條喉切牛舌相嗰一刻我真係震驚咗，餐廳仲好細心幫你切好一截截，方便你燒嘅時候會快啲熟，尤其牛舌熟嘅時候都好難切開，呢一個Step真係非常體貼。除咗牛舌同和牛薄切之外，個餐仲跟多一份荔枝牛肩胛串，本身都唔知圓形嗰一粒係咩嚟，都係餐廳侍應講先知係荔枝，原來放埋喺個牛肩度燒係咁入味㗎。真係每一啖牛肉都有荔枝味好得意，配搭埋生菜食，非常之balance到個油膩感，荔枝嘅甜味再加埋生菜去平衡返油脂，食落都好有層次，值得一試，配搭埋個生蛋豉油去食，點少少米飯，好好味呀。最後仲有個蒜蓉牛油帆立貝，整粒帆立貝非常之大，非常有料到。二人餐點少得甜品，最後個雲呢拿同芝麻雪糕都叫做係一個點綴，極度推介試吓呢一間居酒屋。爭啲唔記得講前菜仲有韓式泡菜，仲有小食牛舌，記住小食係任添加值得一試。
查看之前的留言 ()
張貼
