影片
更多
2018-04-20
114 瀏覽
冇錯！幾個月之前先食完，而家又食多次無計啦，好味嘅嘢自然會食過翻尋味～今次嚟到銅鑼灣嘅分店，叫啲上次未食過嘅嘢先店內裝修基本上同尖沙咀分店係一樣「刺身5盛 $280」分別有海膽，吞拿魚，油甘魚，三文魚，帆立貝除咗海膽，其餘每款三塊，塊塊都係厚切新鮮材料真係一食就知，尤其係海膽同三文魚，正呀！「特大榮螺 $198」隻榮螺大慨有成隻手咁大！店員先放上爐等佢燒一陣然後再拔成舊螺肉出嚟剪咗啲內臟，再剪成粒狀，放返入殼，加上sake，繼續燒～第一次食嘅我表示好好味呀！sake同螺肉出奇地夾，唔怪得店員同我哋講用嚟送酒一流啦～「柳葉魚 $45 /5條 」(=多春魚)燒過魚嘅都知道燒魚係好考技巧的但好彩呢度都係由店員一手包辦，仲燒得好靚～魚皮燒到微脆，好香，加埋脹卜卜嘅肚仔入面有超多春，好味到連頭都要食埋！「花魚半條 $100」燒嘅另一個好處就係可以將肉汁完全鎖住一篤隻筷子入去已經有汁流出嚟喇～(見下圖)肉質鮮甜嫩滑，半條真係唔夠喉呀「烏賊磯燒 $75」差不多燒完之後係切好嘅烏賊上面抹上醬汁就可以食啦重點係佢咁大隻但一啲都唔韌，正！「三文魚中卷 $88」不論尖沙咀定銅鑼灣分店，刺身定壽司佢哋都係厚切
無計啦，好味嘅嘢自然會食過翻尋味～
今次嚟到銅鑼灣嘅分店，叫啲上次未食過嘅嘢先
店內裝修基本上同尖沙咀分店係一樣
「刺身5盛 $280」
分別有海膽，吞拿魚，油甘魚，三文魚，帆立貝
除咗海膽，其餘每款三塊，塊塊都係厚切
新鮮材料真係一食就知，尤其係海膽同三文魚，正呀！
「特大榮螺 $198」
隻榮螺大慨有成隻手咁大！
店員先放上爐等佢燒一陣
然後再拔成舊螺肉出嚟剪咗啲內臟，
再剪成粒狀，放返入殼，加上sake，繼續燒～
第一次食嘅我表示好好味呀！
sake同螺肉出奇地夾，唔怪得店員同我哋講用嚟送酒一流啦～
「柳葉魚 $45 /5條 」(=多春魚)
燒過魚嘅都知道燒魚係好考技巧的
但好彩呢度都係由店員一手包辦，仲燒得好靚～
魚皮燒到微脆，好香，加埋脹卜卜嘅肚仔入面有超多春，
好味到連頭都要食埋！
「花魚半條 $100」
燒嘅另一個好處就係可以將肉汁完全鎖住
一篤隻筷子入去已經有汁流出嚟喇～(見下圖)
肉質鮮甜嫩滑，半條真係唔夠喉呀
「烏賊磯燒 $75」
差不多燒完之後係切好嘅烏賊上面抹上醬汁就可以食啦
重點係佢咁大隻但一啲都唔韌，正！
「三文魚中卷 $88」
不論尖沙咀定銅鑼灣分店，刺身定壽司
佢哋都係厚切魚生
本身對呢個卷無咩特別大期望
但三文魚實在新鮮又肥美
加埋中間啲牛油果，好味！
飲品方面，
我哋叫咗杯「巨峰啤酒 $60」同埋「柚子啤酒 $60」
巨峰/柚子同啤酒嘅比例啱啱好
唔會搶咗大家嘅味道
個人比較喜歡 柚子啤酒多一點點～
總括而言，
做得回頭客果然冇令我失望
一如既往地好食，推薦呀！
張貼
