米気

營業中

休息中

餐廳環境闊落，裝修好日式，簡潔得嚟比人乾淨舒服既感覺。午市套餐比你自由配搭，款式都好多選擇，職員亦好細心介紹每一樣主食冷盤既分別。南蠻炸雞+芝麻味噌苦瓜拌炸豆皮+黑糖米水 $68南蠻炸雞係職員特別介紹，醬汁自家制，非常醒胃，炸雞唔會油淋淋，香脆熱辣辣。苦瓜清甜爽口，一啲都冇苦澀味，套餐擺盤亦好精美。黑糖米水又係自家制，黑糖味唔會好重，入口舒服，解膩消滯。汁燒鰻魚+明太子豆腐+黑糖米水 $118鰻魚燒得恰到好處，醬汁入味，啖啖肉鮮味十足。冷盤既豆腐好嫩滑，加上明太子令口感提升，開胃之選。