hōmu by favilla (已結業)

慢煮封門牛柳定食牛柳唔鞋又唔韌，同醬汁配合恰到好處，全個定食好豐盛，包咗麵豉湯，番薯蓉，非常飽肚，味道亦唔錯，份量充裕。蒲燒鰻魚滑蛋定食我本人本身唔太食鰻魚既會覺得麻麻，但食開鰻魚既fd覺得唔錯，份量一樣都好係充足，炒蛋煮得好滑配飯食一流。此定食一樣包麵豉湯及番薯蓉，麵豉湯內有包雜菌，好食。吉列廣島蠔即叫即炸，好脆口，食落口仲係冒緊煙，雖然炸粉層偏厚，但食落去都ok。富士蘋果生芝士蛋糕好creamy配埋蘋果果肉食落口唔會太稠。