EaT燒肉

營業中

休息中

完全感受到日式風味，路軌送一直都只見過壽司有做，原來【EaT燒肉】都係，佢地仲要係外星人🛸主題餐廳，入到去好似置身太空🪐船艙咁，連送餐車都係外星人👽飛船，好可愛呀！除咗係特式主題，環境都好乾淨，座位側邊有籃仔放袋，繁忙時段我同西生坐獨立座位，一人一個爐，真係好Chill 呀！食物質素都有返咁上下，飯量有得揀份量，但溫馨提示燒薄切牛時要較細火先好放上爐燒，因為中火都好惹火，會好快熟過龍。🛸 〖#122 牛小排、肩胛牛柳、薄牛舌 250g〗$183牛：每款牛肉油脂分布比例啱啱好，牛味突出，份量豐富滿足+$15 轉咗紫菜流心蛋飯300g 大大碗，紫菜送飯絕對嗆飯，建議食量大既朋友都轉🛸 〖#153 鹿兒島豬肩、黑毛豬五花、富士蘋果地雞肉300g〗$128雞肉 : 肉質夠厚，口感滿足豬 ： 本身已入味，唔沾醬較能品嘗原身味道佢地有幾款自家製醬汁，我個人較喜歡ＢＢＱ醬，因為醬汁唔會過濃遮蓋食物原味。地理位置較難搵，東港城四面都有出口，搵佢地舖面都有點難度，所以提示大家，佢地間舖喺商場其中一個出口，喺*SIXTYEIGHT*隔離 和*無印涼粉* 對面。