丼吉日式吉列豬排專門店 (形點 I)

營業中

休息中

成日經過呢間轉食日本炸豬扒嘅鋪頭，每次都想試吓！可惜次次都大排長龍！難得今日經過見到冇人就入去食我最想食嘅炸豬扒！我哋一家五口分別叫咗一份吉列豬扒御品定食、一份吉列大蝦生蠔御品定食、一份吉列豬柳定食、一份咖喱吉列豬柳奄列飯定食及加多一個烏冬！諗諗吓加多兩件蟹肉雜菜沙律炸餅！而所有御品定食都連三文魚刺身！而定食有飯及麵豉湯，首先飲一啖麵豉湯，wa!有啲苦澀味，難飲！！好彩叫咗一杯梅子梳打舒緩返口腔嘅苦澀味道呀！梅子梳打勁好飲，可能我鍾意食話梅，所以覺得好正！屋企人就分別叫咗荔枝梳打及手工啤酒 ，都唔錯！正宗日本吉列定食必定有椰菜絲伴住吉列豬扒去食，以防成口油，方便去解油膩嘅感覺！食完覺得好清新同降低罪惡咁，而枱面上有兩個汁俾你撈椰菜絲去食，通常都係柚子汁，但佢嗰個係紫菜汁，鹹嘅！？但我期待啲汁係甜汁，感覺無咁好！算啦！重點係吉列豬扒同其他炸物，一口咬落去，正呀！好脆唔油膩，入面醃得好入味，就算唔點豬扒醬都好正呀！咬埋生蠔先，好Juicy呀！生蠔又無縮水，相對嚟講算大件，仲有個吉列蝦，都算好大隻，爽脆！蟹肉炸餅就麻麻，食出嚟好大陣青椒味，好怪呀！仲有豬柳同豬扒嘅分別就係豬柳會腍身啲，雖然我