丼吉日式吉列豬排專門店 (形點 I)

營業中

休息中

外出用饍食炸豬扒多數是較薄的切法，會食得唔夠喉，今次要轉下厚切，每啖都是肉肉的口感!門面的裝潢很吸引，有食品及飲品簡介，未入座都可以了解一下食品資料。內在陳設一如以往多年未變，非常整潔，桌面備有幾款醬汁及消毒液。在下單時店員推介飲品優惠，聽完推介後覺得幾抵飲就點了兩杯。啤酒配炸品是上上之選，就選了麒麟啤，有半價優惠只須 $22， 開瓶後店員將啤酒倒入杯中。另一杯飲品是熱杞子菊花茶，優惠價 $25，溫潤好飲。我們三人每人點一份餐，第一份是吉列上級豬扒定食 $212。豬扒份量約是正常手掌般大，豬扒厚薄適中，定食配有一小碗清澈麵豉湯，漬物和鹽。豬扒肉質軟腍鮮嫩，外面脆脆的麵包屑及炸粉非常鬆化，豬扒已切好一段段方便夾起，食得舒適。豬扒配汁是將芝麻磨到合心意的狀態後再倒入豬扒汁而成。首選是蘸豬扒汁，蘸紫菜汁或西柚汁都可以。吉列豬柳稻庭烏冬 – 溫 吉列豬柳有四大件，每件切開一半，肉質同樣腍和鮮嫩，外面非常鬆化。豬柳厚身，比起豬扒厚一倍，所以進食要有耐心及慢慢咀嚼。豬柳除了蘸豬扒汁，蘸紫菜汁或西柚汁都可以，豬柳份量好多，$208價格好抵食!稻庭烏冬選熱食，烏冬幼滑，湯底清甜，吉列豬柳啖啖都是肉，食

本人惠顧貴日式吉列餐廳五次，深深感受到吉列食品，如吉列豬扒和海鮮十分高質，外脆內嫩，絕不馬虎，可見廚師精心製作，可謂色香味俱全的一餐。儘管價格有點高，但食完呢餐飯覺得無論食物，服務各方面都十分值得比的。餐廳服務質素十分好，店員熱情待客，服務有禮，主動詢問客人需求，如茶/椰菜絲，不斷添加，能夠從客人的角度思考，考慮客人的感受，服務態度良好，值得讚賞。環境方面，也十分舒適寬敝，安排坐四人疏發位，有一種悠閒的感覺，而且餐廳沒有設限時，故整體用餐體驗十分愉快，沒有催促，值得推薦！

以豬排品質方面來說，配不上那個價錢。除了 salad 椰菜絲是比較新鮮之外連飯後西瓜都令我覺得沒有鮮度及一間餐廳（非冰室）應有的質素。豬扒的肉比較鞋，又有筋。西瓜送來居然還有一隻义义在上面的。

已經食過好多次，平時都係食開炸豬柳。今次有信用卡優惠set，可以試埋炸蝦，蠔同牛。-前菜：冷豆腐，醋蕃茄，八爪魚芥末秋葵食炸物前，食返d開胃前菜極上厚切日本豚肉：平時已經覺得豬柳好味過豬排，因為覺得豬排比較乾。今次豬排更失色，其中幾件都係肥肉，完全擺唔到入口。如果呢個set，豬排換上豬柳會開心d😁-宮崎牛：咬落去係牛筋，根本咬唔開，牛肉比較un😕-深海大蝦：好肥美，啖啖肉，炸到好脆，大滿足😋-廣島生蠔：唔係話特別肥美，但都幾好味😋-最愛椰菜❤️配上紫菜汁/柚子汁，好味👍🏻椰菜同飯都可以無限添食甜品：梅子膠原蛋白啫喱好夠梅子味，都唔錯。職員話食完皮膚都靚d😆食到超級飽！呢個2人set $580，要加一，人均$320。

今日約左朋友泥左元朗係形點念住搵野食,上Openrice睇完食評本身都有啲卻步. 但行左一圈又念吾到食咩就膽粗粗入左去, 見冇乜人本身都擔心緊係未伏同朋友叫左個吉列豬扒大蝦生豪二人餐$438 本身覺得偏貴 但野食出到泥就覺得對得起價錢.首先, 落完單職員就攞左個芝麻俾我地, 等野食既時候, 一路傾計一路挽都幾好挽, 野食泥到職員都好細心介紹每一種汁醬既食法, 而且原來依到飯同沙律菜可以不斷加, 講番野食,塊豬扒又吾會偏肥, 我覺得肥瘦適中, 食落又吾會話乾, 之後隻蝦都算大隻, 啲肉質都幾彈牙, 我同朋友都忍吾住一人加多一隻. 蠔就不過不失, 佢地啲沙律菜真係好好食, 問番職員, 佢地話係每日即刨確保新鮮. 另外值得一題, 依到啲職員個個都好nice , 我見隔離枱有個小朋友, 啲職員經過都會陪佢挽, 食完飯仲有小禮物小朋友即刻乖曬, 真係幫輕左啲家長. 下次都可以帶埋小朋友泥. 

經過很多次，終於試了，可是大失所望。點了最經典的吉列豬扒，定食及豬柳炸蠔炸蝦三拼定食。前者炸皮如題圖很厚 而且一夾已經皮肉分離，而且炸衣上黃黃的甚至少見，相信是蛋漿調配比例出現了問題，導致根本包裹度不足… 炸豬扒也炸得非常之乾身，豬柳相對會比較好。而炸蠔更是重災區，腥到無法入口，最正常是炸蝦。在日本隨便走進一間吉列豬扒店都覺得很好吃，可是這次被門口的專門店招牌騙到了，只可以說這個價錢這個質素不成正比題外話，這裏的冷氣好像沒有熱到想快點吃完走人😣

間唔時就會想食下炸豬排，呢間好近Yoho Mall停車場出口，於是就成為我嘅首選😂😂今次嗌咗二人Set，炸物有吉列豬柳、吉列豬扒同吉列大蝦❤️套餐包括味噌湯、漬物同白飯，炸物側邊嘅椰菜可以無限追加✨個set有兩隻炸蝦，我哋追加多一隻🍤仲追加個小食 - 薯仔沙律呢個係出奇地好食🤣可能個樣睇落麻麻，冇咩期望

見初四 諗住係假期完之前帶兩個小朋友出街最後放縱 行咗形點一陣 見依間吾洗點排隊 小朋友又想食炸嘢 就入去試下 入到去都ok嘅 有杯茶水落枱 落完單後 食物質素不過不失，但偏貴 但個別服務認真爭咁啲 我係可以不斷加飯加菜 但好似唔想比我加咁 我唔清楚係有分唔同服務員做唔同嘅位置 定係佢地服務真係有問題事關我叫左位（K字頭服務員）俾兩個碗仔小朋友share但等左好耐都無攞過嚟 最後又要再搵第二個服務員今次就好快 之後幾次都係叫加菜又係應完但無左件事 同態度都唔算好 可能太攰？ 最後食完嘢會上西瓜 叫佢幫手加小小茶同水 又係到埋單都無加過。自問自己都有禮貌 每次都有唔該 同見佢地忙都會等一陣 但唔會係甘 從來無試過出街食飯食到咁 本身新年出街食嘢都一定會封番利事 但依間真係封唔出手 都仲要收加一服務 但咁嘅服務質素。但最後都要一提唔係全部都咁差 有一個肥肥矮矮既女仔都ok既時不時會問下要唔要加茶加菜加飯 同都好有禮貌會提醒杯茶熱 本身想俾封利事佢 但我走嘅時搵極都見唔到佢

今日一早自己一個係元朗睇完醫生見到午飯時間就係Yoho搵食由於唔係好肚餓 少少地想食個烏冬經過呢間舖被門口啲豬豬吸引左去睇下餐牌見主餐牌有個吉列蝦雞肉烏冬就決定入去值得一讚 店舖服務又快又貼心首先門口經理親切介紹餐牌同即時安排入座餐廳環境舒適寧靜，座位又夠闊落侍應比熱茶同時溫馨提示小心熱落完單，等左一陣就黎左碗熱騰騰烏冬侍應落餐仲會詳細介紹醬汁既食法吉列蝦爽彈鬆脆，湯底又清甜唔會咸 啱我口味仲有佢哋既椰菜絲係可以無限添加多得侍應主動問我要唔要加 我先知不過我就食完就醒起未影相 唯有補番張夏日炎炎 當然唔少得嗌番杯凍飲爽下杯巨峰提子梳打 不過不失 唔算太甜食飽飽侍應收餐時主動問要唔要上埋西瓜比我不過我唔中意食 所以就無要到今次既用膳好滿足，食物質素環境服務都唔錯下次同朋友再試下黎食其他野先得

今天食到最差的 Tonkichi !!! 大大話話從世貿第一間店食到而家20 幾30年 今天簡直唔相信，這是他們的出品 豬扒柴皮 癡牙 👎👎👎 只能用一個字形容 差差差……….. 最不可思議讓員工我坐在店面 除咗對鞋對住用餐的客人 天呀！ 完全唔能夠接受！

▪️𝑫𝒆𝒆𝒑-𝒇𝒓𝒊𝒆𝒅 𝑷𝒓𝒂𝒘𝒏 𝒂𝒏𝒅 𝑷𝒐𝒓𝒌 𝑭𝒊𝒍𝒍𝒆𝒕 𝒘𝒊𝒕𝒉 𝑺𝒂𝒍𝒎𝒐𝒏 𝑺𝒂𝒔𝒉𝒊𝒎𝒊 (𝑳𝒖𝒏𝒄𝒉 𝑺𝒆𝒕) $159吉 列 大 蝦 豬 柳 伴 三 文 魚 刺 身 定 食.Super good value set that you can have their signature tonkatsu with thick slices of sashimi, japanese soup stew and even fruit at the end!.A bowl of roasted sesame was first served that you can grind them by yourself and then add in their home-made tonkatsu sauce which was sweet with some sourness. .The pork fillet was thick and juicy and the prawn was enormous! (Sorry for using my fat hand as refe

已經幫襯咗好多年嘅炸豬扒店，炸物一如既往係ok，今次要特別講下佢個「豬肉湯」。食之無味 棄之可惜。點解會用瘦肉？冇香味又硬到擦膠咁，豚汁最要係油香、多豐富野菜加上味噌，呢個全部都冇，更唔好講佢叫豚汁做豬肉湯，煲到中湯咁（而且係冇味嘅中湯）話曬都加三十幾蚊，加埋一就四十蚊，但淡口好差完全不值，希望個湯可以改善下炸物我真係好鍾意炸蝦，炸得好肷旦蝦唔會過熟，而豬類豬扒比豬柳多啲肥油，都係我比較喜歡嘅，炸蠔都鍾意，保留到蠔嘅鮮味所有炸物嘅粉都唔會過厚，咁多年係香港都無結業係值得嘅

🥣叫了吉列猪扒後 店员会上一碗炒熟的白芝麻 你可以用磨子捣碎他 然後加入猪扒酱汁 到时候点猪扒吃 如果吃不惯猪扒汁的也可以跟店员拿他他沙拉酱点🐖吉列猪扒定食- 猪扒很大一块 肉质软嫩不柴 定食里还包括味增汤 味增味道浓郁 里面有少量海带豆腐蚬肉 小菜酸菜也很开胃 猪扒隔壁还有很多椰菜丝 白饭和椰菜都是可以无限添加的 椰菜可以加店里提供的紫菜汁 和柚子汁一起吃 很解腻🍱吉列猪柳冷乌冬-猪柳会比猪扒口感上更嫩一点 因为不是定食所以没有味增汤和小菜 冷乌冬很有嚼劲 乌冬酱汁里可以自行按自己喜爱来加葱和姜来增添口感🍉最後还会送上西瓜来降火

有棍小妹今日約左女神去元朗踩單車踩單車前約左女神係YOHO 等 , 作為啫頭文既我緊係諗定食咩好今次揀左呢一間餐廳 , 因為元朗分店比同品牌唔同區份平幾十蚊一個餐有棍小妹我今日非常好彩被安排左坐卡位可以同女神慢慢陪養感情更驚喜 原來仲有午餐Set 有蛋包飯、冷麵、刺身、鰻魚飯.......媽呀花多眼亂我地最後都係選擇番 吉列豬扒定食($149) & 吉列大蝦生蠔定食($163)豬扒定食: 豬扒 油香 ,肉質彈牙炸糠薄薄一層 ....好脆食完唔會成口都係油不過女神串我塊面多油過塊豬扒 #*$&@但係獲得女神批準可以下次再同佢去食好西

元朗形點開咗之後其實進駐咗好多食肆，我就揀咗呢一間食吉列豬扒嘅餐廳試吓。😎😎😎呢一個係吉列豬扒定食，我覺得佢嘅吉列豬扒都做得幾不錯喎，豬扒肉質厚但係都好嫩口，而且都炸得好鬆脆，熱辣辣上枱，香噴噴正呀！另外，佢仲有一個椰菜絲🥬🥬🥬，椰菜絲係可以任添的，亦都有柚子醬或者係紫菜醬汁可以加落去食，好美味呀，呢一份吉列豬扒再加埋椰菜絲一齊食，一啲都唔油膩！👍🏻另外每一份嘅定食，都會跟一個芝麻😋😋，如果鍾意芝麻味嘅朋友不妨磨好過芝麻，然之後加佢嗰個豬扒醬一齊沾豬扒食🍽，我覺得香口好多啊。🍱定食份量充足，而且炸豬扒亦都幾唔錯，大家經過可以去試吓。