影片
更多
2025-03-19
571 瀏覽
近日成日去啟德覓食，今日揀咗呢間日式餐廳，簡潔嘅木系裝修令人感覺好舒服，望吓Menu有我最愛嘅烏冬，甜品有超靚嘅芭菲，必點！主食🥢柚子胡椒豚肉烏冬（日本豚肉) $98呢個烏冬貫徹日式風格，柚子湯底好清澈，散發淡淡嘅柚子香，仲有淡淡嘅胡椒香味，唔會太酸或者太鹹！烏冬好粗身煙靭，配合埋肥美日式豚肉、蘿蔔碎，味道都唔錯，值得一試！🩷🐟鮭魚昆布絲柚子胡椒茶漬飯 $88茶漬飯包含大量昆布同埋三文魚碎，真係有原個茶壺比大家加茶，呢款飯可以加茶或者湯，建議加高湯食味道會更加濃郁，仲貼心送上醃菜，混合一齊食可以加添些少鹹味！🍦🍧呢度甜品非常之出色，建議一定點芭菲:🍵抹茶生朱古力芭菲 $98🤎焙茶白玉芭菲$88兩款顏值都100分，入面材料都非常之豐富，💚抹茶芭菲將濃郁嘅抹茶同軟雪糕互相配合，微苦抹茶配上香甜嘅雪糕，甜度啱啱好。除咗粟米片、紅豆蓉之外，入面仲加咗原粒抹茶生朱古力，呢個山朱古力入口即溶，令到呢個芭菲更加美味。底層仲加咗抹茶啫喱，所以每一啖都有事食到不同食材，口感好豐富！🤎焙茶芭菲配搭🍦焙茶雪糕，香滑嘅軟忌廉混合雪糕一齊食，口感香軟，同白玉丸子一齊食，口感煙煙韌韌，配搭埋一齊食勁滿足！飲品方面
主食🥢
柚子胡椒豚肉烏冬（日本豚肉) $98
呢個烏冬貫徹日式風格，柚子湯底好清澈，散發淡淡嘅柚子香，仲有淡淡嘅胡椒香味，唔會太酸或者太鹹！烏冬好粗身煙靭，配合埋肥美日式豚肉、蘿蔔碎，味道都唔錯，值得一試！
🩷🐟鮭魚昆布絲柚子胡椒茶漬飯 $88
茶漬飯包含大量昆布同埋三文魚碎，真係有原個茶壺比大家加茶，呢款飯可以加茶或者湯，建議加高湯食味道會更加濃郁，仲貼心送上醃菜，混合一齊食可以加添些少鹹味！
🍦🍧呢度甜品非常之出色，建議一定點芭菲:
🍵抹茶生朱古力芭菲 $98
🤎焙茶白玉芭菲$88
兩款顏值都100分，入面材料都非常之豐富，💚抹茶芭菲將濃郁嘅抹茶同軟雪糕互相配合，微苦抹茶配上香甜嘅雪糕，甜度啱啱好。除咗粟米片、紅豆蓉之外，入面仲加咗原粒抹茶生朱古力，呢個山朱古力入口即溶，令到呢個芭菲更加美味。底層仲加咗抹茶啫喱，所以每一啖都有事食到不同食材，口感好豐富！
🤎焙茶芭菲配搭🍦焙茶雪糕，香滑嘅軟忌廉混合雪糕一齊食，口感香軟，同白玉丸子一齊食，口感煙煙韌韌，配搭埋一齊食勁滿足！
飲品方面，建議試吓💚宇治煎茶（$42），外觀呈翡翠嘅青綠色，口感甘甜，不太苦澀！
✨呢度都有自家嘅茶葉售賣，抹茶控好值得一去！🍵
張貼
