富田和食亭 (油麗商場)

營業中

休息中

中午返工前去食lunch，雖然唔使等位，但叫左野食之後要等15分鐘先有野食。呢個惹味雞定食都好豐富下，首先係沙律，佢由青瓜絲加蟹籽組成，仲有一pat沙律醬，青瓜絲好爽口，仲有清新既感覺，蟹籽就好新鮮，好脆口，加上酸酸地既沙律醬，十分開胃。另外就係面豉湯，攪均後飲味道好濃但沒有過咸，仲有幾片海帶增強口感。黎到主菜，底部係白飯，傳統日本米，圓圓地大大粒，煮得o岩o岩，軟硬適中，而當中既雞肉係炸既，外皮好脆，入面既肉則好嫩滑，澆上醬汁，甜甜酸酸，加埋蔥粒同好多洋蔥，極之惹味。最後係杯凍菊花蜜，我無攪均到，頭幾啖好甜，飲飲下就唔甜，所以大家千萬要攪均先。