富田和食亭 (油麗商場)

油塘富田和食亭嘅石鍋拌飯套餐。石鍋飯有海苔絲、蔥花，旁邊有兩串烤肉串、一碗湯同凍奶茶，份量豐富。富田和食亭價錢合理，餐點種類多，但味道表現一般，整體係平價日式家常風味。🍚…查看更多

之前都食過幾次，覺得富田雖然比較殘，不過附近根本冇好啲嘅早餐餐廳，記得佢上次早餐嗰塊炭燒扒還是不錯，就入去食個早。食個40幾蚊早餐原本冇咩要求，正正常常就好。叫咗B5 炭燒豬扒，火腿腸仔改煎蛋。一上枱已經覺得唔係幾對路，同上次塊扒差好遠，完全冇炭燒。原本想食湯米線，不過湯米線係香煎豬扒，就係因為想食炭燒豬扒先至食呢個餐，點知都係煎。成碟都係一陣劣質嘅油味，勁油，蛋勁熟，但竟然是凍的。但係都冇諗住寫食評，直到嗰條腸仔，我原本都覺得佢好似冇煎過，以為係烚熟，點知切咗一嚿放入口，竟然係凍嘅。唔係室溫嗰種，喺雪櫃嗰種凍。好驚肚痛，唔敢再食。覺得好離譜，就算趕住收早餐都冇理由俾凍腸仔客人食，腸仔已經係劣質肉，仲要生食？同職員講反映，佢叫我下次講明要大火，（我唔係想要燶，我只係想要熟同熱），佢都冇打算即時處理，竟然覺得仲有下次。飲品正常。一間餐廳由排晒隊變到小猫三兩隻總有原因……查看更多

公司距離餐廳非常非常遙遠，油麗商場嚟講，除咗連鎖店之外，稍為入得口嘅真係得呢間，一個星期總有一日會喺呢度食，平時都係叫開雞扒撈烏冬或者炸雞，今日原本都想嗌同一樣嘢嘅時候，見到幾碗炸豬扒飯喺我旁邊飄過，發現原來個炸豬扒都幾大塊，於是就嗌嚟試吓一嚟到，其中一樣令到我幾滿意嘅係，個滑蛋係喺炸豬扒下面，唔會搞到個炸豬扒腍晒個豬扒仲要都有15 mm厚，喺油麗商場嚟講，呢個質素真係冇投訴㗎啦，下個禮拜再去食過先…查看更多

今日嚟到油塘富田和食亭同細姪女慶祝生日。我地預先訂咗來自北海道嘅白海膽同赤馬糞海膽慶祝。另外，order咗一大盤刺身，有帆立貝、三文魚、蝦、生蠔、鮑魚、雞翼、炸紫芋薯餅、榴槤炸彈、羊架、拖羅、河豚于🐡🐡北海道白海膽口感細膩，入口即化，味道較順滑；赤馬糞質感較厚實，味道較濃郁。刺身拼盤真係無得輸啦，蝦最吸引眼球，勁大隻，帆立貝肉質肥大肉厚，口感爽口甜美，三文魚都係厚切，所有食材都好新鮮。炸物都係新鮮炸起，熱辣辣口感，母親大人最喜歡紫芋薯餅，見到兩婆孫食得津津有味，大家見到都好開心。富田和食亭 (油麗商場) (油塘)油塘油麗邨油麗商場1樓102-103號舖…查看更多

剛剛係附近做野，有人介紹話呢間「富田」食日式餐，而且抵食☝🏻好，去試吓先嘩，睇餐牌好勁喎💪🏻好多選擇，而且除了定食，仲有手卷壽司等等，價錢都係大眾化。咁就要睇埋實際啦🤣第一個到嘅食物，😅😅好似細份左啲，可能因為鰻魚貴呀！石頭鍋豚肉就正常啦，而且好味👍🏻炭燒七味雞扒配麻醬烏冬，呢個都唔錯喎！👏🏻👏🏻燒牛扒🤩最驚喜，唔怪之得眼見咁多人order 呢個啦😂整體都真係幾抵食，只要識得叫😂😂😂…查看更多