森．湯咖哩 (已結業)

日式咖哩近年愈黎愈流行，觀塘中海日升中心最近更開咗一間日式咖哩湯料理專門店🍛暫時只有湯咖哩主食同飲品，未有小食，不過湯咖哩主食質素都吾錯～✿ 慢煮炙燒雞叉燒湯咖哩 $86雞髀肉吾算好大件，但經過炙燒程序後🔥有被燒過嘅味道，變得香氣十足☺️雞髀肉又做到嫩滑可口🐔另外湯咖哩可選原味/ 小辣/ 中辣，小辣為味蕾帶點刺激😆✿ 北海道帆立貝湯咖哩 $110海鮮迷當然要叫帆立貝，大大隻又新鮮，食材高級加湯咖哩更有日式風味☺️呢個辣度同樣揀咗小辣，感覺小辣同肉類較能搭配，海鮮應該揀番原味咖哩。✿ 飛驒和牛漢堡扒湯咖哩 $110和牛漢堡扒肉質較稔，牛肉味濃，肉汁豐富🐮其他雜菜如南瓜🎃小粟米加埋咖喱汁味道亦幾好，一啖和牛漢堡扒一啖咖哩飯好滿足。