阿杏飯團 (富華中心商場)

營業中

休息中

原來荃灣地鐵站對面就有間阿杏飯團，啱晒我呢啲兩點幾飯都未食又趕住走既人，我同隊友叫左兩個飯團，一個麻辣腸飯團，另一個係鹹蛋雞扒飯團，再叫左兩杯熱飲，全部即叫即整，攞到返屋企都仲係暖笠笠。值得一提既係店員，細心有禮貌，仲好快手添！麻辣腸飯團-材料非常豐富，有紫菜，紫米，肉鬆，蘿蔔，油炸鬼，菜同台灣腸，少少麻辣香惹味，蘿蔔同油炸鬼碎係脆口既，加埋台灣腸好夾，好味！鹹蛋雞扒飯團-材料一樣唔野少，用紫菜包住紫米，再包住勁多鹹蛋，，另外仲有雞扒，肉鬆，蘿蔔，油炸鬼同菜多重口感。好鍾意佢用紫米，健康又好咪，口感煙煙韌韌。紫薯玫瑰露-我鍾意佢唔甜，個紫色好靚，淡淡玫瑰味幾香。黑糖珍珠奶茶-爭啲唔記得少甜，好彩店員問一問，個黑糖都幾香，珍珠煙韌適中，味道唔錯。