町町丼丼 (駱駝漆大廈2座) (已搬遷) 新店位置

今天在觀塘辦事，辦完之後已經差不多晚飯時候，想起朋友介紹駱駝漆大廈有間買外賣嘅專門店，朋友話質素唔錯又抵食，而是決定帶回家做晚飯。上到去之後，寫order紙，好快外賣就到手。回到家中食物仍然熱辣辣，正。壽喜燒牛肉湯飯$98分量十足，賣相亦都唔錯。壽喜燒湯底甜甜地好好佐飯，牛肉份量亦都唔少，牛肉不會韌，配料還有鳴門卷、昆布、金菇、娃娃菜以及我最鍾意嘅日式腐皮。飯係用咗日本米，不錯。青芥末手撕雞撈烏冬$98呢個菜式好適合夏天食，感覺好清爽。QQ滑滑嘅烏冬上面鋪滿青瓜絲同埋手撕雞，再加上日式青芥末醬汁，清新得來又刺激味蕾。手撕雞肉都幾嫩滑，啖啖肉。一口芝士年糕$48呢個好有驚喜，軟糯年糕入面包住滿滿嘅芝士，一口咬落去，芝士就會澎湃咁湧出來，非常邪惡，口感軟綿綿。磯燒魷魚天婦羅配黑椒蛋黃醬$48呢個天婦羅好好味，天婦羅粉漿入邊混入海苔，好香又脆卜卜，入邊包住魷魚，幾爽彈，沾上惹味嘅黑椒蛋黃醬，會令人吃不停口，很不錯。總括來講，呢餐外賣質素都唔錯，而且份量十足，都好抵食，下次再經過觀塘，一定會再來買外賣。