十十川滬料理 (已結業)

星期六去咗朗豪坊新開嘅餐廳叫十十川😃 個名幾得意，食物好多選擇，有川菜，上海菜，中式小炒等等。環境裝修好美觀，門口有棵裝飾過的樹，好有聖誕氣氛。金黃流沙小籠包 $48小籠包湯汁豐富，餡料十足。蒜泥黑毛豬白肉 $78黑毛豬肉肥瘦適中口感好軟，醬汁甜甜地，蒜泥放喺面，一啖食晒味道層次豐富。老壇酸菜魚 $198魚嘅形狀嘅碗好有趣😃 魚肉有好實在嘅口感，幾鮮味，湯底酸酸中辣都唔算好辣，裏面仲有好多薯粉，芽菜，萵筍等等火鍋配料，真係好豐富。乾煸四季豆 $78 四季豆配肉操，鹹鹹地又好香口，好惹味。鹹肉菜飯 $25男朋友話啲餸要送飯，呢個鹹肉菜飯有啱晒佢胃口。