影片
更多
2017-06-12
272 瀏覽
星期日入左元朗同朋友小聚 我地係呢個遠離市中心既地方談天說地 其實元朗都係一個唔錯既地方 又多野食 都唔係其他人講同咁荒蕪 🤣 我地去到黃昏時分 大家都覺得肚餓 於是就去左搵好野食～後來行下行下就見到魚一 佢個名好特別 好有日本feel 我地見都幾多人去食 應該唔錯 所以就入去食晚餐～餐廳內既餐牌好簡潔 一張紙兩面 包攬曬多款美食 有壽司、刺身、軍艦、燒物等不同選擇 仲有另一張餐紙 係俾食客自由配搭丼飯既選料餐桌已經放好左餐具 仲有醬汁、茶水同埋紙巾🍽三文魚腩刺身 $88我地首先點左半磅既三文魚腩刺身 估唔到半磅都幾多 兩個人食岩岩好☺️最正既係三文魚腩每一片都係厚切 淨係望見都已經留曬口水 未食已經好期待 😍 食一片三文魚腩 簡直係味覺享受 😋 三文魚腩十分肥美 食每一啖都充滿魚既油香 油脂分佈平均 加上少少青芥末同埋醬油 食到我地好滿足 🤤精選壽司 🍣😍我地另外單點左多款超值壽司 有火炙海膽壽司、三文魚壽司、厚切三文魚腩壽司、火炙鰻魚壽司、馬刀貝壽司、左口魚邊壽司、中拖羅壽司、珍寶帶子壽司左口魚邊壽司 $10 @2左口魚邊壽司係我其中一種最愛既壽司 左口魚邊比三文魚更重魚油香 食落口
後來行下行下就見到魚一 佢個名好特別 好有日本feel 我地見都幾多人去食 應該唔錯 所以就入去食晚餐～
餐廳內既餐牌好簡潔 一張紙兩面 包攬曬多款美食 有壽司、刺身、軍艦、燒物等不同選擇
仲有另一張餐紙 係俾食客自由配搭丼飯既選料
餐桌已經放好左餐具 仲有醬汁、茶水同埋紙巾🍽
三文魚腩刺身 $88
我地首先點左半磅既三文魚腩刺身 估唔到半磅都幾多 兩個人食岩岩好☺️
最正既係三文魚腩每一片都係厚切 淨係望見都已經留曬口水 未食已經好期待 😍 食一片三文魚腩 簡直係味覺享受 😋 三文魚腩十分肥美 食每一啖都充滿魚既油香 油脂分佈平均 加上少少青芥末同埋醬油 食到我地好滿足 🤤
精選壽司 🍣😍
我地另外單點左多款超值壽司 有火炙海膽壽司、三文魚壽司、厚切三文魚腩壽司、火炙鰻魚壽司、馬刀貝壽司、左口魚邊壽司、中拖羅壽司、珍寶帶子壽司
左口魚邊壽司 $10 @2
左口魚邊壽司係我其中一種最愛既壽司 左口魚邊比三文魚更重魚油香 食落口感亦都好唔同 比較好嚼頭 😋
火炙海膽壽司 22@1
海膽雖然唔係我既至愛 但味道都唔錯 帶點咸咸甜甜既海水味 而且燒過既海膽更惹味
火炙鰻魚壽司 14@2
鰻魚不嬲都大愛歡迎 我同朋友都中意食鰻魚 最中意配埋鰻魚燒汁一齊食 食落更加和味 鰻魚既香氣係獨一無二既
馬刀貝壽司 $10@2
馬刀貝應該唔係咁普及既壽司 我都只係食過幾次 但已經俾佢爽口彈牙既肉質所吸引住 佢既口感非常豐富 食落亦充滿海水味同埋與別不同既鮮味 大家黎到不妨試下 可能會愛上佢既味道～😜
珍寶帶子壽司 $18@1
帶子亦係我既心頭好 雖然珍寶帶子食唔少 但咁大隻咁厚肉既帶子壽司真係第一次見 影相出黎未必覺得好大隻 但肉眼睇到真係會好驚歎 😮 帶子鮮甜味美 果然冇揀錯 😎
芝士焗蠔
我一向都係「海鮮控」而朋友就係「芝士控」我地忍唔住叫左焗蠔 佢用左芝士黎焗 香濃既芝士 加埋大大隻既生蠔 係一個幾正既配搭～🤤
當日既晚餐係一個美好既體驗 食物味美不在話下 服務員既服務態度親切 佢地不斷為我地整理餐桌 令我地食得舒服～
張貼
