影片
更多
2023-08-14
380 瀏覽
終於搞掂手頭上嘅野，Happy Friday梗係要約班好姊妹一齊食餐好，放鬆吓啦！聽講帝都酒店全面翻新之後，開左間主打揉合創新元素同歐陸菜式嘅餐廳，一於睇下有咩好野食先～📌海鮮拼盤 乾冰嘅煙霧效果營造左仙氣滿滿嘅感覺，打卡度💯 拼盤內有波士頓龍蝦、生蠔、南非 鮑魚、北海道帶子同虎蝦。波士頓龍蝦肉質結實彈牙；生蠔肉質鮮甜飽滿有海水味；南非鮑魚鮮味濃郁有咬口。仲有6款醬汁可以隨意mix &match 帶出海鮮嘅鮮味。㊙️靜雞雞話你知：餐廳推出左開業優惠：即日起至9月30日，每日頭5 位book枱嘅客人可以用優惠價享用價值$888嘅海鮮拼盤 。📌松葉蟹肉甘蝦海膽配牛油果沙律以生菜包形式比客人自己DIY，肥啤努力咁還原到8成似😛 松葉蟹肉混合左紅洋蔥碎，口感更豐富。海膽飽滿鮮甜，甜蝦同牛油果嘅軟綿，裝起爽脆嘅羅馬生菜上面，食嘅時候好似將成個海洋嘅鮮美都放左入口咁，震撼味蕾。📌牛仔膝肉燴手製意大利寬條麵配燒牛骨髓牛仔膝肉嫩滑入味，自家製嘅寬條麵煮至al dente ，爽口煙韌。牛骨髓口感豐腴，搭配麫包一齊食，香氣四溢，明知道好邪惡，但係都抵擋唔到牛脂嘅誘惑🤤📌火焰龍蝦千邑濃湯 真·龍蝦湯，半隻龍蝦
聽講帝都酒店全面翻新之後，開左間主打揉合創新元素同歐陸菜式嘅餐廳，一於睇下有咩好野食先～
📌海鮮拼盤
乾冰嘅煙霧效果營造左仙氣滿滿嘅感覺，打卡度💯 拼盤內有波士頓龍蝦、生蠔、南非 鮑魚、北海道帶子同虎蝦。
波士頓龍蝦肉質結實彈牙；生蠔肉質鮮甜飽滿有海水味；南非鮑魚鮮味濃郁有咬口。仲有6款醬汁可以隨意mix &match 帶出海鮮嘅鮮味。
㊙️靜雞雞話你知：餐廳推出左開業優惠：即日起至9月30日，每日頭5 位book枱嘅客人可以用優惠價享用價值$888嘅海鮮拼盤 。
📌松葉蟹肉甘蝦海膽配牛油果沙律
以生菜包形式比客人自己DIY，肥啤努力咁還原到8成似😛
松葉蟹肉混合左紅洋蔥碎，口感更豐富。海膽飽滿鮮甜，甜蝦同牛油果嘅軟綿，裝起爽脆嘅羅馬生菜上面，食嘅時候好似將成個海洋嘅鮮美都放左入口咁，震撼味蕾。
📌牛仔膝肉燴手製意大利寬條麵配燒牛骨髓
牛仔膝肉嫩滑入味，自家製嘅寬條麵煮至al dente ，爽口煙韌。
牛骨髓口感豐腴，搭配麫包一齊食，香氣四溢，明知道好邪惡，但係都抵擋唔到牛脂嘅誘惑🤤
📌火焰龍蝦千邑濃湯
真·龍蝦湯，半隻龍蝦經過秘製魚湯慢煮，帶出鮮味之餘，肉質依然爽甜彈牙。干邑蒸發後，酒香將龍蝦湯嘅鮮味昇華，最後加入嘅一小匙忌廉令湯身更滑。
上菜時記得預備定手機📷由點火燒熱干邑，再望住濃稠嘅龍蝦湯徐徐倒入，絕對係視覺嘅享受。
📌黑松露泡沫野菌湯綿密嘅泡沫下，每一啖都係濃郁嘅黑松露同野菌香，而且保留左野菌嘅顆粒增添口感。
📌澳洲M6和牛斧頭扒 (1200克）
相當有份量嘅厚切M6和牛，絕對要同知己好友一齊開心share～斧頭扒顏色粉嫩，肉質軟嫩多汁而不膩，肉味香濃落少少鹽已經好好食，身邊嘅牛魔王朋友都讚不絕口！
📌招牌烤原隻蒜香有機玉米雞
採用飼養咗81日嘅走地有機玉米雞，雞皮輕薄焦脆，皮色特別金黃誘人；肉質嫩滑，雞味香濃。由於運動量大，所以唔會有厚厚嘅皮下脂肪，連皮食都冇罪惡感🤫
📌意大利咖啡芝士朱古力
相機📷ready?! 充滿神秘感嘅tiramisu，造型非常IGable，將lady finger、意大利軟芝士、咖啡酒等材料濃縮成一球tiramisu波波，經冷凍後硬度增強，同底層軟綿嘅口感形成對比，每一啖都有濃郁嘅咖啡香氣。
📌 朱古力心太軟配香草雪糕
肥啤偏愛呢個心太軟，外脆內軟，一切開就流出濃郁嘅朱古力漿湧出，配上冰凍嘅雪糕，冷熱交織之下，感覺心都要融化了🥰
📌榛子軟糕
口感柔軟細膩，滿滿榛子味嘅軟糕，中間仲有脆脆嘅榛果碎。榛子🌰控必試‼️
📌Gulfstream
Wodka Vodka, Crème de Peach, Pineapple Juice, Grapefruit Juice, Blue Curacao 鮮榨嘅西柚汁帶有甘味，同其他甜味果汁混合起黎好有熱帶氣息，清新開胃，好怕酒苦味嘅肥啤都覺得幾易入口。
📌2+2 Signature
Bombay Sapphire Dry Gin, Campari, St Germen Elderflower Liqueur, Sparkling Wine
迷人嘅橘紅色，加入了迷迭香，有一種獨特嘅草本香氣，酒味相對較濃。
餐廳環境寬敞，採用原木同柔和中性色調嘅簡約設計，令人一種溫暖舒適嘅感覺，食物高質有驚喜，同知己好友相聚或者節日慶祝，都係一個唔錯嘅選擇❤️
張貼
