焯記

營業中

休息中

最近長沙灣新開咗間主打上海麵嘅鋪頭，提供幾款炸物同小食搭配主食，更有飯類供應。店內環境唔大，座位之間有適當距離，店員服務態度友善，食物價格親民，住喺附近嘅可以試吓。湯底採用日式湯底，強烈建議加枱頭嘅自家製醬油，味道層次立刻昇華。麵條選擇有五款，私心推介上海麵，軟硬度適中且吸滿湯汁、油麵同生麵都唔錯，下次會叫埋米粉同出前一丁。主菜類有招牌豬扒，炸至酥脆可口，肉質軟嫩、雞翼同樣出色，四大隻，外脆內嫩，鹹香入味、墨魚條外皮夠薄，咬落彈牙、豬肉丸幾爽口而且估唔到豬味好出，唔似cheap嘢🤣另外有幾款前菜同小食，私心推介涼拌雞絲，雖然雞係雞塊唔係雞絲，但入口滑溜，超級軟嫩，越食越上癮，好想知喺邊度來貨🥹 炸燒賣有五細粒，搭配椒鹽粉更惹味。菜心煮至軟身，如果鍾意食爽啲嘅未必適合，但食落新鮮又健康。