影片
更多
4天前
0 瀏覽
2024年11月26日 星期二今日放工同老婆約左喺銅鑼灣行街食飯，喺時代廣場見到呢一間餐廳應該新開張無幾耐，之前都係韓國餐廳黎，感覺好似好耐冇食過韓國菜，有少少掛住韓國，所以俾個機會佢入去試吓餐廳最新做緊香印提子主題，除咗有提子窩夫之外，仲有提子奶蓋綠茶，完全係我嘅favourite，所以冇諗太多就即時點咗，另外再要咗小食同主菜，見到款式都幾多，而且價錢唔算太貴好彩我哋入座嘅時候仲有位，遲少少到已經差唔多全間餐廳坐滿人，仲需要等位添點完餐等左一陣飲品就首先送到，係老婆要既濟州柑橘乳酸梳打，成杯飲品嘅賣相幾靚，用嚟打卡一流，上面紫色嘅應該係柑橘乳酸，搞埋一齊飲除咗夠晒冰凍之外，仲酸酸甜甜幾開胃，柑橘味幾濃郁跟住食物就開始陸續送到，有明太子蟹肉飯卷，每一嚿飯卷上面都加咗蟹肉同明太子，所以每一啖都食到蟹肉，而且本身飯卷裡面都有唔少配料，口感非常豐富，加埋個醬汁幾惹味呢個係辣味韓油奶油排骨鍋，的確有少少辣，但愈辣愈滋味，排骨煮得好腍，好容易就咬得開，個鍋底部仲有粉絲添，吸收晒醬汁嘅味道，愛辣人士必食！！然後係啖啖蟹肉千層麵，千層麵上面有啱啱焗起嘅芝士包圍住，一切開除咗見到芝士可以拉絲之外，仲見
今日放工同老婆約左喺銅鑼灣行街食飯，喺時代廣場見到呢一間餐廳應該新開張無幾耐，之前都係韓國餐廳黎，感覺好似好耐冇食過韓國菜，有少少掛住韓國，所以俾個機會佢入去試吓
餐廳最新做緊香印提子主題，除咗有提子窩夫之外，仲有提子奶蓋綠茶，完全係我嘅favourite，所以冇諗太多就即時點咗，另外再要咗小食同主菜，見到款式都幾多，而且價錢唔算太貴
好彩我哋入座嘅時候仲有位，遲少少到已經差唔多全間餐廳坐滿人，仲需要等位添
點完餐等左一陣飲品就首先送到，係老婆要既濟州柑橘乳酸梳打，成杯飲品嘅賣相幾靚，用嚟打卡一流，上面紫色嘅應該係柑橘乳酸，搞埋一齊飲除咗夠晒冰凍之外，仲酸酸甜甜幾開胃，柑橘味幾濃郁
跟住食物就開始陸續送到，有明太子蟹肉飯卷，每一嚿飯卷上面都加咗蟹肉同明太子，所以每一啖都食到蟹肉，而且本身飯卷裡面都有唔少配料，口感非常豐富，加埋個醬汁幾惹味
呢個係辣味韓油奶油排骨鍋，的確有少少辣，但愈辣愈滋味，排骨煮得好腍，好容易就咬得開，個鍋底部仲有粉絲添，吸收晒醬汁嘅味道，愛辣人士必食！！
然後係啖啖蟹肉千層麵，千層麵上面有啱啱焗起嘅芝士包圍住，一切開除咗見到芝士可以拉絲之外，仲見到裏面有好多蟹肉同蟹籽，充滿鹹香味，食落去唔會太膩，醬汁調校得啱啱好，蟹肉同千層麵都幾配合
呢一杯就係帶點驚喜的香印提子奶蓋綠茶，除咗最頂嗰粒提子之外，請品裏便仲有提子啫喱同提子肉，味道幾清甜，加埋最頂嘅奶蓋一齊飲，味道更加好，而且飲完之後可以解解膩
最後當然唔少得甜品，有新推出嘅值得一提芬芳提子窩夫，窩夫故之然整得好鬆軟，上面仲有滿滿嘅忌廉，少甜而不膩，再加埋香印提子同提子啫喱一齊食，幸福感即時爆燈！！
埋單每人三百幾蚊，包住個肚咁走，性價比幾高！！
張貼
