茶愉凡逅

營業中

休息中

天氣真系好熱，體感上到44度😂同朋友行緊街，頂唔順要買野飲啦，見有間新飲品店開左，就飲呢間先。呢間飲品居然唔係得個門口，入面有冷氣仲有位坐，可以涼住等真係太感動了。🫐新鮮藍莓乳酪正如其名用新鮮藍莓打成，唔係果醬喎，啖啖藍莓味，乳酪香滑，好似飲緊甜品咁。🍋黃皮手打檸檬茶近期好興嘅爆檸類，酸酸地好清爽，加左黃皮帶點甘味，加上極冰涼，真係夏天恩物。🥭金芒芝士奶蓋朋友點嘅芒果芝士，好濃郁芒果味，奶蓋厚實又帶鹹香，又係甜品杯咁樣，好好味，飲完仲好飽添㗎。等拎其間客人駱驛不絕，天氣咁熱真系個個都愛手搖飲品😆