影片
更多
2021-10-02
120 瀏覽
Omakase熱潮有增無減，但見到好多有質素嘅都以4位數價錢起跳，呢到就好唔同。見到有兩個價位選擇，想食多啲壽司就488，而今次就唔想食咁多飯，所以揀左以刺身為主嘅「菊」。🔷菊 Kiku Omakase 💰688🔹味淋河豚魚干、燒沙甸魚苗干、鱈魚棒係準備緊前菜同刺身之時，呢3款燒物就已經提供左比我地邊吹水邊食下。河豚魚干燒得一啲都唔乾都表面仲有陣蜜味甜味。🔹前菜3點盛 (鮑魚、無花果、墨魚、蕃茄)非常精美嘅擺盤，鮑魚已事先醃製，咬落淋爽而不韌。無花果同蕃茄就夠曬甜，蕃茄仲加上左一少注鹽，茄味更為提升。墨魚咀遠睇都留意到好粗好大舊，切得一片片又鮮又爽，再淋上左調製嘅醬汁。🔹刺身5點盛(鯖魚、油甘魚、帶子、牡丹蝦、吞拿魚)刺身份量絕不兒戲，夠厚又大。鯖魚配上酸汁食，刺激不一樣嘅味蕾。牡丹蝦又係另一重點，個頭夠大多膏都算常見，但個蝦身都又長又多肉，仲要超級鮮甜嘅，就好出色，可見餐廳用料一流。🔹西京燒銀雪魚銀雪魚夠滑夠嫩，魚皮燒到脆卜卜好香口，以日式燒汁味夠哂配夠。🔹雜錦天麩羅脆而不硬嘅炸物就係天麩羅嘅特色，呢到做到足。最抵贊係個蝦，同樣好大隻好生猛，又鮮又爽。🔹清酒煮蜆清酒味做到剛剛好，唔會
Omakase熱潮有增無減，但見到好多有質素嘅都以4位數價錢起跳，呢到就好唔同。見到有兩個價位選擇，想食多啲壽司就488，而今次就唔想食咁多飯，所以揀左以刺身為主嘅「菊」。🔷菊 Kiku Omakase 💰688
🔹味淋河豚魚干、燒沙甸魚苗干、鱈魚棒係準備緊前菜同刺身之時，呢3款燒物就已經提供左比我地邊吹水邊食下。河豚魚干燒得一啲都唔乾都表面仲有陣蜜味甜味。
🔹前菜3點盛
(鮑魚、無花果、墨魚、蕃茄)
非常精美嘅擺盤，鮑魚已事先醃製，咬落淋爽而不韌。無花果同蕃茄就夠曬甜，蕃茄仲加上左一少注鹽，茄味更為提升。墨魚咀遠睇都留意到好粗好大舊，切得一片片又鮮又爽，再淋上左調製嘅醬汁。
🔹刺身5點盛
(鯖魚、油甘魚、帶子、牡丹蝦、吞拿魚)
刺身份量絕不兒戲，夠厚又大。鯖魚配上酸汁食，刺激不一樣嘅味蕾。牡丹蝦又係另一重點，個頭夠大多膏都算常見，但個蝦身都又長又多肉，仲要超級鮮甜嘅，就好出色，可見餐廳用料一流。
🔹西京燒銀雪魚
銀雪魚夠滑夠嫩，魚皮燒到脆卜卜好香口，以日式燒汁味夠哂配夠。
🔹雜錦天麩羅
脆而不硬嘅炸物就係天麩羅嘅特色，呢到做到足。最抵贊係個蝦，同樣好大隻好生猛，又鮮又爽。
🔹清酒煮蜆
清酒味做到剛剛好，唔會令到成個調味好濃酒味，反而係帶到蜆嘅鮮。而蜆肉大大粒，煮得剛剛好熟而不生。
🔹照燒法國鵝肝
鵝肝帶好豐富嘅油脂，配上少許日本米粒食係絕配，中和左個效果仲有淡淡嘅鵝肝回甘味帶到個米粒到。
🔹豆腐雪糕
黎到尾聲嘅甜品係豆腐雪糕，真係完全中哂我嘅最愛，相信豆腐味嘅雪糕真係日式料理店先有機會食到，不太甜又帶出豆味嘅清香。
張貼
