上海真真豆漿大王

營業中

休息中

本身係用期待嘅心情去食，同行嘅朋友幾年前食過係好味嘅。嘢食到齊之後，我食咗幾啖，我已經唔想食，人生最伏嘅店。酸辣雲吞米線成碗野好清淡，冇味嘅酸辣湯，裏面原有酸辣湯嘅配料都好大舊，正常應該係切細的。雲吞破皮嘅，應該放咗好耐或者煮咗好耐，餡料味道一般般。米線口感正常。炸排骨菜飯感覺似低溫油炸排骨，油冧冧。菜飯好乾。即煎鍋貼（3隻）🔥又破皮上菜嗰刻，已經睇到個鍋貼係穿咗個窿，咁都可以拎比客人食？廚房同埋侍應係咪有問題，我問侍應點解會咁，個侍應淨係講：「我換過一隻俾你，但係要重新煎過。」咁梗係要煎過一隻啦😩睇到都唔想食。好少汁，皮厚，油冧冧。建議店家加塊吸油紙做底。最後係食唔飽嘅，喺走嘅時候有同老闆娘講聲，廚房質素需改善，佢冇問我哋點解，或者改善嘅地方，只係講咗句：「冇計新開。」我唔見得佢會做改善，唔建議去食🤢🤮餐廳應該先做好員工培訓。