檳榔島敍

營業中

休息中

今日去到鰂魚涌，望吓最近新開嘅馬拉餐廳。雖然週末冇得揀午餐，不過一場嚟到都試吓。身水身汗入到去，先點左杯桔仔梳打。呢杯都幾有驚喜，唔會好重梳打氣，甜度適中，最緊要將粒桔仔嘅汁擠哂出嚟。如果想飲多啲嘅朋友，可以叫佢少冰，原裝嘅冰都比較多。桔仔梳打（加點照價半價 $17然後就點主食，主食來講選擇唔算多，一般食馬拉嘢我都係食椰漿飯，見到佢有炸髀，而且特別寫明係馬拉，一於叫黎試吓。馬拉生炸雞髀配椰漿飯呢份就唔算太驚喜，雖然炸髀係的確有馬拉風味，真係俾面頭加咗好多香料，而且識落唔會炸到好乾，的確係唔錯。不過以呢個價錢嚟講，我會期望再多少少嘢。椰漿飯就幾適合我，因為佢唔會太過油膩，食落香味比較突出。整體來講，食物都還可以，只係單點價錢比較貴。如果想食得高性價比少少，可以平日中午嚟食。如果下次再嚟食，都應該會約埋一班朋友來試多幾款菜。