新記煲仔雞粥 (已結業)

聽講元朗又新街出名食粥，點知一個路口有兩間粥舖，兩間都有香甜既米香，而且好多人排隊，唯獨新記煲仔雞粥除左米香，仲有香噴噴既油炸味。👍🏻🙈紅燒脆皮乳鴿 🐦 $73未食已經聞到隻乳鴿勁香（唔知大家對於乳鴿有咩印象，我自己就硬係覺得細細個食嘅炸乳鴿，好似特別好食，講緊可能真係20年前，嗰陣好興搵個發泡膠盒裝住隻乳鴿，再喺個發泡膠盒頂開個窿，然後個鼻就可以隊落個窿度聞，超級香！😂坐住老竇架車返屋企，仲會成架車都係乳鴿味～🙈）OK，廢話講完！新記呢一隻乳鴿，睇得出炸之前乳鴿風得夠乾身，所以外皮炸到非常鬆脆，食落脆卜卜，點埋准鹽一人食晒一隻真係唔過分！不過乳鴿嘅大細就真係睇彩數，咁啱我呢隻比較瘦，我望到隔籬枱嗰隻就肥啲～🤨🤨艇仔粥 🍲 $34第一啖，唔知我有錯覺定係真，粥底除左香棉之外，仲有份豆香，似係加咗腐竹落去煲。雖然呢個唔係我食過最好味既粥，但加左腐竹將成個粥提升好多（大家喺屋企煲粥都不妨試吓，將腐竹壓碎，加少少落去煲粥）。粥料份量都好多，特別值得一提嘅係呢度啲艇仔粥嘅魷魚唔係平時粥舖用開嘅水魷，質地比較特別彈牙啲🦑。佢哋仲要係用瓦煲上，保溫做得特別好，食到最後一啖都仲係熱辣辣，呢一個粥三十