Brew Dog Coffee Co.

營業中

休息中

呢日喺新蒲崗收工，俾我見到呢間好cozy嘅cafe，餐廳以白色為主，小店經營嘅模式，座位只得10個🤨虎蝦蟹肉蟹膏濃蝦汁意大利飯呢度嘅意大利飯比較特別，用上咗米型粉，口感比意大利飯更軟腍，口感都唔錯🦐 醬汁方面，有好濃郁嘅蝦蟹味，因為入面有蟹肉蟹膏，更加有層次🦀 面頭仲有四隻虎蝦，口感彈牙。慢煮雞胸羅勒青醬扁意粉呢個係小編私心推介嘅菜式，羅勒青醬味道好香🍝 配埋雞胸係好夾嘅，呢個雞胸都整得好出色，係勁嫩口juicy嗰種，扁意粉就非常掛汁。開心果咖啡那提如果鍾意開心果嘅朋友一定會鍾意呢杯咖啡，除咗有開心果醬之外，餐廳仲用上開心果燕麥奶，同埋Espresso☕️ 整個味道好夾，仲有啲開心果碎喺面，增加咗唔少口感添呀。冷萃咖啡店家會每日製作一款cold brew，今日我嗌嘅係肯亞嗰款。微微嘅咖啡酸味幾啱我嘅口味。餐廳好用心製作餐牌，連烘焙度都有詳細列明😗如果鍾意飲咖啡嘅朋友真係要bookmark呢度，呢度嘅咖啡係真心有質素同用心烘焙嘅☕️ 其他主食都落足料㗎，係間值得支持嘅小店 。