永興冰室

營業中

休息中

最近成日見人討論7蚊抹茶蛋撻，我就忍吾住去一試。假日既lunch就選擇左係依間冰室食，其實坊間都好多依類型既冰室，新舊交融。雖然叫做冰室，但裝修比較新潮帶點懷舊元素，佢地既食物亦然。有懷舊既蛋撻、菠蘿油等等，亦有焗飯多士盒依啲玩味啲既食物。既然我係衝住抹茶蛋撻而去就梗係點左先！抹茶味係有的，加上蛋撻本身有既甜味同滑度，我覺得可以！不過撻底就稍為淋左啲，如果再酥脆啲就好。(人地收你7蚊雞仲要求啲咩)另外朋友嗌左個咖哩雞飯多士盒，另有蕃茄焗豬扒飯多士盒。咖哩帶微辛更惹味，雞件都幾嫩滑。食到多士其實都好脆身，但食落就稍乾身，我諗叫店員再拎多啲咖哩汁會錦上添花！最後就必嗌左個抹茶雪山梳乎厘 真係好大份，抹茶部分係最底，好似蛋白蛋糕既抹茶味甘，而上面既蛋白都吾算太膩，只不過我地太小人食 食吾晒，如果4人分就會ko到。