更多
2018-07-05
139 瀏覽
今日同個friend約出黎食飯傾計,諗唔到食咩,於是決定去創興睇下有咩食,見到有間馬辣,價錢適中,決定入去試試佢。餐廳環境好寬敞,成間餐廳都係卡位同梳化,坐得好舒服。湯底有8款比我地揀,胡椒豬肚好夠味,豬肚數量亦都好多。沙爹味道都好好,沙爹味好濃。有8款牛肉、豬肉同羊肉揀,啲肉嘅盆仲會有唔同顏色標記,好清楚咁話比我知邊隻肉打邊隻肉。呢度有其他餐廳冇/要另外加錢嘅牛小排比我地任叫,質素亦都好高,切到好薄嘅牛肉幾秒就有得食,好有牛味。海鮮方面有比較少見嘅白鱔,冇細骨,亦都好滑,十分好食。
張貼