影片
更多
2022-11-28
97 瀏覽
龍島？我細細個就聽過呢個名啦！的確，龍島可以話係我朱古力嘅啟蒙，亦因為細個喺龍島食過一件好rich & sticky嘅朱古力蛋糕，令我愛上咗朱古力！近期得悉龍島喺奧海城開咗Lucullus Cacao，一間全新風格以朱古力為主題嘅概念店，當然要趁機去拜會我嘅「啟蒙老師」啦！餐廳作為一間概念點，成個裝修風格都好trendy，粉色系設計主題，其中一邊係一整道落地玻璃，採光度良好感覺極開揚，營造出好悠閒舒適嘅用餐環境。而另一邊就係一道充滿圓形鏡子，並配合乾花裝飾嘅牆壁，好適打卡，整體成間店予人耳目一新嘅感覺。食物方面主食有招牌窩夫、酸種麵包吐司同牛角包等，當然仲有大量朱古力甜品週邊同埋一系列好吸引嘅朱古力咖啡飲品等。對住個menu作為一個朱古力迷嘅我表示好掙扎，如果想從精品角度出發去品嚐，建議可以選擇「Single Origin Chocolate Flight」，一次過試到四款經典朱古力甜品（朱古力撻、朱古力泡芙、烤棉花糖朱古力撻同朱古力奶凍）。但由於我就私心揀咗朱古力撻、朱古力酥皮窩夫、SOC同CACAO Tea，最後再配搭個乳酪碗，以酸甜作結，大滿足！〔Cocao Tart〕呢個可以話
的確，龍島可以話係我朱古力嘅啟蒙，亦因為細個喺龍島食過一件好rich & sticky嘅朱古力蛋糕，令我愛上咗朱古力！
近期得悉龍島喺奧海城開咗Lucullus Cacao，一間全新風格以朱古力為主題嘅概念店，當然要趁機去拜會我嘅「啟蒙老師」啦！
餐廳作為一間概念點，成個裝修風格都好trendy，粉色系設計主題，其中一邊係一整道落地玻璃，採光度良好感覺極開揚，營造出好悠閒舒適嘅用餐環境。而另一邊就係一道充滿圓形鏡子，並配合乾花裝飾嘅牆壁，好適打卡，整體成間店予人耳目一新嘅感覺。
食物方面主食有招牌窩夫、酸種麵包吐司同牛角包等，當然仲有大量朱古力甜品週邊同埋一系列好吸引嘅朱古力咖啡飲品等。
對住個menu作為一個朱古力迷嘅我表示好掙扎，如果想從精品角度出發去品嚐，建議可以選擇「Single Origin Chocolate Flight」，一次過試到四款經典朱古力甜品（朱古力撻、朱古力泡芙、烤棉花糖朱古力撻同朱古力奶凍）。但由於我就私心揀咗朱古力撻、朱古力酥皮窩夫、SOC同CACAO Tea，最後再配搭個乳酪碗，以酸甜作結，大滿足！
〔Cocao Tart〕
呢個可以話係人氣Item之一！70%嘅可可濃度入口先甜後先滲出微微若韻及酸澀感，入口好rich，果然係必點！
〔Cocao Signature Croffle〕
招牌酥皮窩夫嘅口感有啲似牛角包咁，不過入口就較厚而扎實。朱古力coating唔太甜反而增加返個口感，配搭嘅雲呢拿雪糕奶會濃厚仲見到有點點嘅vanilla seed添！仲可以撒上一邊香脆嘅可可豆碎去增加更多口感層次。
〔1+1 Artisan Cacao Set 〕
呢個係個飲品tasting set，有齊SOC 同The Cacao。SOC有凍同熱兩個選擇，想影相靚啲嘅就可以揀凍飲以玻璃杯呈現層層分明嘅朱古力山（而熱飲就係用陶瓷杯上），朱古力碎、鮮奶泡同馬達加斯加單品朱古力三重口感相當分明，入口滑溜，濃度以我呢個濃苦控嚟講大概覺得係中上水平。而另一款The Cacao就真係我嘅心頭好！唔好睇小個小杯嘅分量，可可濃度係超級全敵！入口厚實而漿口，朱古力酸度高而飲到果香滿滿，至於topping 嘅棉花糖就可以調和返個苦感同酸度，overall我都好鍾意呢杯！
〔CACAO Tea〕
咁多朱古力嘅時候，飲品方面除咗必試嘅朱古力options，想清淡就好適合叫呢杯嘞！琥珀色嘅可可茶配上菲律賓85%單品朱古力片，一打開時蘋果木煙霧散出，又係好IGtable！茶感適中有陣陣回甘，加上少少煙薰香氣，成個presentation 同味道都好舒服。
〔Cacao Granola Yogurt Bowl 〕
最後作結嘅係個 Yogurt Bowl ，份量都幾多，而且可以咬到粒粒朱古力Granola，加上大量鮮果，酸甜開胃係個完美嘅作結！
‑ ‒ –
· Cacao Granola Yogurt Bowl ⁹ ⁸
· 1+1 Artisan Cacao Set ⁸ ⁰
· Cocao Signature Croffle ⁹ ⁸
· CACAO Tea ⁴ ⁸
· Cocao Tart ⁴ ⁴
‑ ‒ –
張貼
