麵賜園 (已結業)

#港式eatcovery #旺角eatcovery💡新派fusion港式麵店平時飲咖啡通常都係去cafe，但今次呢間就將fusion、noodle、cafe呢3樣野結合咗，非常有創意。店內裝修富工業風，環境坐得舒服，更有不少霓虹燈觀賞。🍽牛隊長湯麵 🥢身為牛魔王嘅我，見到有呢個點會唔叫丫，配料相當豐富，滿足到食肉獸😍 入面嘅材料多到數唔哂，包括牛肋條、牛封門柳、牛肚、牛筋及蘿白，全部都好入味又夠淋。牛肚大塊得黎夠爽口，牛封門柳唔會鞋。牛骨湯底每日以最新鮮嘅牛骨經6小時熬製，配以適量腩肉同藥材炆燉，所以飲落好香牛味，但又唔會太咸😋🍽黃金炸生蠔有4隻，咸蛋黃蓉+生蠔，熱辣辣嘅黃金炸生蠔🦪食落又真係幾香咸蛋黃蓉味，不過就偏細隻。🍽黃金單骨雞翼呢個值得推介，雞翼炸得夠香脆🐥，但入面都仲她保持到嫩滑。🍽炸鮮奶呢個係限量供應，但就比較細隻小小，未算好重奶味。🍽迷你金銀蛋白菜雖然叫迷你，但份量都唔小，配料仲好豐富，上面有好多皮蛋及咸蛋碎，湯底都幾濃郁，白菜就可以索曬湯底味道，夠滋味🤗🍽啤啤夫就係玉泉忌廉加咖啡，估唔到兩者係咁夾，醇香咖啡加上忌廉嘅清爽，愈飲愈想飲。