影片
更多
2017-09-27
784 瀏覽
好耐無食過素食🤔今次中午黎到尖沙咀覓食。未入去見到出面裝潢設計歐陸式，好靚。入到去見到用我最鍾意既紫色做主題，未食已經心心眼。2人叫左兩個lunch set。🥗藜麥鮮蔬沙律配鮮柚子意大利黑醋汁沙律有黎麥、紅菜頭、菠蘿、沙律菜，藜麥有咬口，菠蘿酸甜多汁，整體好清新開胃，作為前菜份量剛剛好。🥄青豆薯仔薄荷竹燕忌廉濃湯中西湯各一，可以試哂唔同口味，西湯稀稠適中，青豆、薄荷味突出，雖然有忌廉，但加左薄荷就唔覺得膩。薯仔味唔太突出，但加厚左湯既質感。竹燕第一次食，係一種名貴既真菌類。味道似燕窩，口感清爽，食落嫩、爽口，幾特別。🥄青木瓜甘筍花生雪耳湯配料好多，食材都煲至腍身。湯夠哂濃味，非常足料既素湯，岩哂女士們潤一潤。🍝田園南瓜野菌忌廉燴扁意粉 $88意粉煙韌，南瓜味濃，加左芝士更香口。欣賞佢只係加左少量忌廉已做到極creamy效果，但食落又唔會膩，整體味道清甜，超fresh。🍜點心拼盤(翡翠白菜餃，芋鋒春卷，素叉燒包，素翅香菇燒賣)配榨菜豆絲湯米粉 $108🍴叉燒包餡唔多，但鹹甜適中，包尚算軟熟。🍴春卷炸得香脆可口，食落唔會太油，包住芋頭餡幾好食，四款當中最愛。🍴燒賣將肥豬肉變做素翅，食到絲絲
2人叫左兩個lunch set。
🥗藜麥鮮蔬沙律配鮮柚子意大利黑醋汁
沙律有黎麥、紅菜頭、菠蘿、沙律菜，
藜麥有咬口，菠蘿酸甜多汁，整體好清新開胃，作為前菜份量剛剛好。
🥄青豆薯仔薄荷竹燕忌廉濃湯
中西湯各一，可以試哂唔同口味，西湯稀稠適中，青豆、薄荷味突出，雖然有忌廉，但加左薄荷就唔覺得膩。薯仔味唔太突出，但加厚左湯既質感。竹燕第一次食，係一種名貴既真菌類。味道似燕窩，口感清爽，食落嫩、爽口，幾特別。
🥄青木瓜甘筍花生雪耳湯
配料好多，食材都煲至腍身。湯夠哂濃味，非常足料既素湯，岩哂女士們潤一潤。
🍝田園南瓜野菌忌廉燴扁意粉 $88
意粉煙韌，南瓜味濃，加左芝士更香口。欣賞佢只係加左少量忌廉已做到極creamy效果，但食落又唔會膩，整體味道清甜，超fresh。
🍜點心拼盤(翡翠白菜餃，芋鋒春卷，素叉燒包，素翅香菇燒賣)配榨菜豆絲湯米粉 $108
🍴叉燒包餡唔多，但鹹甜適中，包尚算軟熟。
🍴春卷炸得香脆可口，食落唔會太油，包住芋頭餡幾好食，四款當中最愛。
🍴燒賣將肥豬肉變做素翅，食到絲絲口感，味道同普通酒樓食既差唔多，只係較乾身一點。
🍴白菜餃翠綠色既表皮幾吸引，外皮質感黏黏，但食落唔會痴牙。滿滿蔬菜餡，不過味道較普通一點。
榨菜味道剛好，唔似出面食開甘偏鹹。燈籠椒切成絲狀，連同芽菜、榨菜一齊食幾，爽口又好味。個湯底清清地幾好飲，米粉就無乜特別。
🌯香芒牛油果苜蓿芽手卷 $38
苜蓿芽係一種低熱量而且營養豐富既天然鹼性食物。食落完全唔會有草青味，仲好爽口。連埋香芒、牛油果、沙律醬一齊食，味道清新健康，絕對唔輸平時食開有白飯既手卷，仲提升左層次感。
🍯韓風蘆薈柚子蜜
同平時飲開既熱柚子蜜味道一樣，多左蘆薈增添口感。
🍹藍蝶花雪梨汁 +$10
蝶豆花係一種天然食用色素，用黎整食物/飲品顏色都好吸引。蝶豆花加上清甜既雪梨味道，稍為偏甜左d。
☕️咖啡朱古力千層班㦸 +$20
千層口感豐富，濃郁既咖啡味忌廉，幼滑、不膩，而且甜度適中，好味道。
🍨山梨白桃雪葩 +$20
啖啖山梨、白桃味，好清新既感覺。
有驚喜既素菜，滿足既lunch。
張貼
