摩登堂 (荃灣廣場) (已結業)

行左陣街就去搵野食，經過More Than見甜品好吸引，便入去試試🤤八點左右黎到，店員安排卡位就坐，店內環境唔錯，光猛加上空間感十足，坐得舒服。店員好快就送上水、餐牌同qr code，睇下點咩食先。⭐香茅烤豬頸肉配泰式醬最先到的豬勁肉，望落油光十足幾吸引，烤得香口😋醬汁酸辣惹味，唔錯呀。⭐摩登雜錦船麵再來有雜錦船麵，餸菜有豬腩肉、豬肉丸、扎肉、豬皮等，湯底濃郁鮮味，入口香氣滿滿。麵條選了金邊粉，有咬口，吸滿湯汁好正😋⭐紅咖哩安格斯牛坑腩煲配蒜蓉包之後仲有咖喱，用爐仔上可保持暖笠笠😊但要小心燶底，記得得閒就搞下佢。入面有翠玉瓜、紅蘿蔔、雞脾菇等配料，主角牛坑腩切得較細碎，口感差左啲，但整體咖喱係好味嘅。另加$28有蒜蓉包，烘得香脆，蒜味強勁，正喎。⭐接骨木藍花伯爵紅茶飲品要了一壺花茶，今日天氣有啲涼想飲熱飲，熱花茶就啱晒啦😊帶有啖啖花香的熱茶，好飲呀😊⭐D24樂園榴槤丹麥厚吐司比甜品吸引又點可以唔叫，呵呵，榴蓮控當然要叫榴蓮甜品，餐牌上本身有好多榴蓮甜品款式，可惜全售罄了，得返呢款D24樂園😆一上枱已經聞到榴蓮香😆😆上面有雪糕、冰凍果肉、炸球，麵包中間有榴蓮醬，全份甜品都充滿住榴蓮味，好