影片
更多
2021-09-16
55 瀏覽
📍南越南咖啡廳📮旺角彌敦道726號1樓.唔知大家有無去過旺角726號呢？呢棟大廈愈黎愈來唔同既餐廳進駐, 識飲識食既我已經去過好多次, 打邊爐, 泰國野, 甚至西餐都係呢度食過😌襯weekend我地倆小口決定出黎呢度食返個新派越式菜先.餐廳設計好trendy, 一打開lift門見到大大個霓虹燈, 非常搶眼, 即刻忍唔著拎起個電話打卡😎入到去成間餐廳坐滿晒人, 好彩訂左位唔洗等, 急不及侍睇menu叫野食.越南炸豬肉春卷 HKD42春卷熱辣辣好香口, 入面既餡料好多脹卜卜, 點埋個sauce再包生菜黎食, 即刻無咁有罪疚感🙎🏽♂️明明成日話唔食炸野怕生暗瘡, 點知侍應一放低就搶著黎食, 最後我食左2件咋, 其餘果4件俾佢清晒😏五香豬腩伴鍋巴 HKD60💁🏻♀️平時好怕肥既我竟然好喜歡呢個小食, 豬腩入口即溶, 肉質有啲似中式既東坡肉, 廚師巧妙地配左少少芥末沙律醬同酸瓜, 加埋底下脆卜卜果塊鍋巴, 成件事出奇地夾, 平衡返豬腩油膩既感覺😋扎肉沙律 HKD48份量比一般前菜多, 細食啲既女仕直情可以當主菜食🤭沙律入面有生菜絲, 紅蘿蔔絲, 大豆芽, 扎肉, 配埋一個酸酸甜甜既醬汁, 勁re
📮旺角彌敦道726號1樓
.
唔知大家有無去過旺角726號呢？呢棟大廈愈黎愈來唔同既餐廳進駐, 識飲識食既我已經去過好多次, 打邊爐, 泰國野, 甚至西餐都係呢度食過😌襯weekend我地倆小口決定出黎呢度食返個新派越式菜先
.
餐廳設計好trendy, 一打開lift門見到大大個霓虹燈, 非常搶眼, 即刻忍唔著拎起個電話打卡😎入到去成間餐廳坐滿晒人, 好彩訂左位唔洗等, 急不及侍睇menu叫野食
.
越南炸豬肉春卷 HKD42
春卷熱辣辣好香口, 入面既餡料好多脹卜卜, 點埋個sauce再包生菜黎食, 即刻無咁有罪疚感🙎🏽♂️明明成日話唔食炸野怕生暗瘡, 點知侍應一放低就搶著黎食, 最後我食左2件咋, 其餘果4件俾佢清晒😏
越南炸豬肉春卷
$42
2 瀏覽
0 讚好
0 留言
五香豬腩伴鍋巴 HKD60
💁🏻♀️平時好怕肥既我竟然好喜歡呢個小食, 豬腩入口即溶, 肉質有啲似中式既東坡肉, 廚師巧妙地配左少少芥末沙律醬同酸瓜, 加埋底下脆卜卜果塊鍋巴, 成件事出奇地夾, 平衡返豬腩油膩既感覺😋
五香豬腩伴鍋巴
$60
6 瀏覽
0 讚好
0 留言
扎肉沙律 HKD48
份量比一般前菜多, 細食啲既女仕直情可以當主菜食🤭沙律入面有生菜絲, 紅蘿蔔絲, 大豆芽, 扎肉, 配埋一個酸酸甜甜既醬汁, 勁refreshing勁開胃
扎肉沙律
$48
5 瀏覽
0 讚好
0 留言
[嫲嫲南越湯] 招牌金邊粉 HKD88
食越南菜又點少得Pho, 呢碗招牌金邊粉係餐廳既招牌菜之一🤩可能係南越南既特色, Pho湯底味道相對較清新兼夾有香濃牛骨湯味, 金邊粉比平時坊間食開果啲更彈牙, 配料有齊牛肉片, 牛面珠, 牛筋, 牛尾, 牛肉丸, 岩晒我呢啲選擇困難症既人🤪自問喜歡食越南牛肉粉既我都好滿意, 真材實料成碗湯飲晒都唔口渴
招牌金邊粉
$88
5 瀏覽
0 讚好
0 留言
南越蛋咖啡（熱）HKD35
飲品選擇好多, 最終決定試下呢杯係香港唔常見既南越蛋咖啡☕️第一啖飲落去有好香嘅蛋味, 口感好滑身, 接落黎就係濃郁既咖啡味, 相當匹配
南越蛋咖啡（熱）
$35
3 瀏覽
0 讚好
0 留言
斑斕龍眼茶（冷）HKD23
原本有啲擔心斑斕同龍眼味道唔知襯唔襯, 始終好少見呢個combination🤔飲落原來好match, 斑斕同龍眼味道各自都好出, 好fresh好清甜, 而且仲同啲食物好夾
.
@nvnhkg 餐廳佈置到食物賣相玩味十足, 新派越菜同傳統越菜感覺好唔一樣, 每樣野都好有驚喜, 未食完我地已經諗緊下次黎食咩好😆
.
整體環境：👍🏻👍🏻👍🏻👍🏻
食物味道：🤤🤤🤤🤤🤤
服務態度：🕺🏼🕺🏼🕺🏼🕺🏼
物超所值：💰💰💰💰
回頭基率：💨💨💨💨💨
張貼
