從心素食 (東港城)

營業中

休息中

新派素食幾特別前排外母話要食素，我家大大無肉不歡，聽人講呢間唔錯，唯有試下新嘢。鮑魚刺身伴千島田園米紙卷，清新怡人，熱辣辣行到嚟，一食呢個小食，涼快哂。原條靚竹苼蟲草花雞絲翅，好足料，竹生好大，味道適中，不鹹不淡，配合醋食，味道剛好。鮮籚筍雞油菌炒玉帶子，籚筍爽脆，玉帶子爽甜。招牌香橙骨伴酥炸蟹鉗，呢道菜最正，香橙汁酸酸甜甜，好開胃，啖啖肉，又香脆，食唔停口。蠔皇百靈菇黃耳扒西蘭花，呢個好正，d菇好大片，好彈牙，西蘭花爽脆，味道一流。椒鹽鮮准山伴黃金脆鱔，估數到既煮仔，香脆惹味，想一食再食。太極鴛鴦飯，不過不失，醬汁多，唔會滯。菜遠雲吞仔伊麵，湯底清甜 雲吞大隻，伊麵彈牙。