影片
更多
2020-12-05
630 瀏覽
係潮洲菜館邊食乳鴿邊飲啤酒都係第一次，事關佢地做緊1664啤酒優惠惠顧兩杯就會免費送乳鴿一隻。乳鴿皮脆肉嫩，仲好juicy啊！第一道就係太極護國菜，係菜羹嘅一種，白色係豆腐，綠色即菠菜/番薯苗制成，望落好翠綠而味道清清地感覺好健康！再嚟個冷盤，凍馬友魚配普寧豆醬第一次食呢個配搭，馬友肉厚皮滑，配上香濃嘅普寧豆醬無違和感，仲帶出魚嘅鮮味。蕃茄滑蛋蟶子皇蕃茄滑蛋呢道家常小菜經佢地烹調後昇華了，蕃茄係好天然嘅茄蓉，滑蛋炒得好嫩滑。聽店員講係使用咗蘇格蘭蟶子，食材嚴選過更令食客安心又放心。除咗海鮮嘅選擇仲有蕃茄滑蛋韓國牛肉，上枱時牛肉呈半生熟，可以係盅內掌控至你喜歡嘅熟度，所以牛肉食落嫩口唔會強韌！香煎墨斗卵粿拼潮州蛋餅墨斗卵粿係香港比較少見，所以大家要嚟到呢度品嚐啦！墨斗卵粿本身好雪白，輕煎後變得金黃，再配上豆瓣醬再夾生菜食有啲韓式嘅風味！潮州蛋餅就另一個食法，可以沾蕃茄汁，而蛋餅本身就用咗薯仔、蝦、豬肉嚟整，所以食落會有少少薯餅配茄汁嘅錯覺！食完好傳統嘅潮洲特色小食，就嘆返個湯先—胡椒豬肚湯凍凍地最啱飲胡椒豬肚湯暖暖胃，胡椒味都頗出再加上豬肚處理得好，所以飲落都好舒服！前面溫和嘅菜接住就要
係潮洲菜館邊食乳鴿邊飲啤酒都係第一次，事關佢地做緊1664啤酒優惠
惠顧兩杯就會免費送乳鴿一隻。乳鴿皮脆肉嫩，仲好juicy啊！
第一道就係太極護國菜，係菜羹嘅一種，白色係豆腐，綠色即菠菜/番薯苗制成，望落好翠綠而味道清清地感覺好健康！
再嚟個冷盤，凍馬友魚配普寧豆醬
第一次食呢個配搭，馬友肉厚皮滑，配上香濃嘅普寧豆醬無違和感，仲帶出魚嘅鮮味。
蕃茄滑蛋蟶子皇
蕃茄滑蛋呢道家常小菜經佢地烹調後昇華了，蕃茄係好天然嘅茄蓉，滑蛋炒得好嫩滑。聽店員講係使用咗蘇格蘭蟶子，食材嚴選過更令食客安心又放心。
除咗海鮮嘅選擇仲有蕃茄滑蛋韓國牛肉，上枱時牛肉呈半生熟，可以係盅內掌控至你喜歡嘅熟度，所以牛肉食落嫩口唔會強韌！
香煎墨斗卵粿拼潮州蛋餅
墨斗卵粿係香港比較少見，所以大家要嚟到呢度品嚐啦！墨斗卵粿本身好雪白，輕煎後變得金黃，再配上豆瓣醬再夾生菜食有啲韓式嘅風味！潮州蛋餅就另一個食法，可以沾蕃茄汁，而蛋餅本身就用咗薯仔、蝦、豬肉嚟整，所以食落會有少少薯餅配茄汁嘅錯覺！
食完好傳統嘅潮洲特色小食，就嘆返個湯先—胡椒豬肚湯
凍凍地最啱飲胡椒豬肚湯暖暖胃，胡椒味都頗出再加上豬肚處理得好，所以飲落都好舒服！
前面溫和嘅菜接住就要來點惹味啲，川椒雞沾滿醬汁，肉質食落好嫩，讓人忍唔住想一塊接一塊放入口！
糖醋麵
醬料有好多款，但我都偏好用傳統配搭陳醋和砂糖，最原始嘅味道，一面脆身底面就保持濕度兩種口感。
甜品我地點咗幾款，蓮子百合紅棗桃膠糖水有熱、凍嘅選擇，料好足又配搭唔會寡！比起凍食，我更偏好熱食，味更甜又暖心。題外話甜品用嘅器具好精緻，好有中式嘅味道啊！
喜歡芋泥嘅朋友一定唔可以錯過呢個白果芋泥，厚厚嘅芋泥好濃稠，夾埋白果就會比較平衡，食後飽足感大大提升。
馬蹄片豆爽就較為清爽，脆口馬蹄加綿密綠豆，口感幾豐富！
張貼
