泰沾麵

營業中

休息中

呢間裝修走工業風，仲有特色牆畫、磚牆，裝上幾個泰國迷你佛面具，特色得嚟唔可怕。 位置喺大巷仔，幾隱蔽，但估唔到平日夜晚去都咁熱鬧。 老闆親身招呼客人，衣着係泰國渡假風，講流利泰文，原來係泰國讀書嘅香港人,而廚師們係泰國人，咁就更加正宗。 大蝦炒金邊粉金邊粉炒得幾有鑊氣，配料豐富，有花生、芽菜、蝦米、豆乾等等，加上幾隻大蝦，傳統正常發揮嘅口味。 Asura’s咖喱炒蟹招牌菜之一，每日限量，可以先預留。 呢度嘅大肉蟹蟹蓋蟹膏都唔少，仲有幾件蟹肉件。雖然肉蟹份量唔多, 但係超多富有心機整嘅醬料，除咗咖哩，仲用咗幾隻大鴨蛋， 味道濃厚。 鮮椰青清爽解膩， 鮮甜多汁， 可以刮到唔少椰青肉。 可麗露 - 斑蘭/椰子斑蘭太受歡迎，8 點已售罄，咁就試下椰子。 外層帶微微香脆同焦糖香。 內層軟熟，椰子味突出。