影片
更多
2023-06-14
20 瀏覽
好耐無食過鐵板燒了, 今日心血來潮想食, 又搵到間近公司附近嘅鐵板燒日本料理 - 媄鐵板燒日本料理和酒, 餐廳位於尖沙咀中港中心. 餐廳面積唔算太大, 分開2邊鐵板煮食區, 裝修優雅. 餐廳有Omakase 及 鐵板套餐可選, 睇下自己鍾意食咩啦.精選2人前套餐 (包括: 前菜、炒飯、炒野菜、味噌汁及甜品)前菜 - 龍蝦汁蒸蛋, 只係用黎蒸蛋嘅器皿都夠哂特色, 真係似一隻打開左嘅雞蛋殼. 蒸蛋香甜軟滑, 食嘅時間小心D, 因為太滑, 好易一入口就滑入喉嚨, 蒸蛋配上龍蝦汁, 味道昇華不少. 蒸蛋仲加入紫蘇花同日本魚蛋. 日本蠔 – 日本華連蠔, 蠔肉肥美, 充滿海水嘅鮮甜味同回甘香味.帆立貝 – 北海道帆立貝味道鮮甜不在話下, 師傅功力重緊要, 師傅將帆立貝2邊煎得金黃香脆, 真係做成外脆內軟嘅口感, 配上烏魚子後再用火槍輕輕燒一燒, 更加帶出高一級層次.燒魚 – 木光魚, 燒得皮脆肉嫩, 好香魚油香味. 香草焗榮螺 – 原隻入焗爐焗, 之後配上手打薯蓉及獨特醬汁, 撈埋一齊食, 十分精彩, 榮螺煙煙韌韌, 有咬口. 南非鮑魚 – 大大隻活鮑魚, 煎得香口, 香滑彈牙, 配上魚肝醬,
餐廳有Omakase 及 鐵板套餐可選, 睇下自己鍾意食咩啦.
精選2人前套餐 (包括: 前菜、炒飯、炒野菜、味噌汁及甜品)
前菜 - 龍蝦汁蒸蛋, 只係用黎蒸蛋嘅器皿都夠哂特色, 真係似一隻打開左嘅雞蛋殼. 蒸蛋香甜軟滑, 食嘅時間小心D, 因為太滑, 好易一入口就滑入喉嚨, 蒸蛋配上龍蝦汁, 味道昇華不少. 蒸蛋仲加入紫蘇花同日本魚蛋.
日本蠔 – 日本華連蠔, 蠔肉肥美, 充滿海水嘅鮮甜味同回甘香味.
帆立貝 – 北海道帆立貝味道鮮甜不在話下, 師傅功力重緊要, 師傅將帆立貝2邊煎得金黃香脆, 真係做成外脆內軟嘅口感, 配上烏魚子後再用火槍輕輕燒一燒, 更加帶出高一級層次.
燒魚 – 木光魚, 燒得皮脆肉嫩, 好香魚油香味.
香草焗榮螺 – 原隻入焗爐焗, 之後配上手打薯蓉及獨特醬汁, 撈埋一齊食, 十分精彩, 榮螺煙煙韌韌, 有咬口.
南非鮑魚 – 大大隻活鮑魚, 煎得香口, 香滑彈牙, 配上魚肝醬, 味道較濃, 我就鍾意原味入口.
龍蝦 - 龍蝦肉身肥厚, 師傅煎得剛剛好, 外層香脆彈牙, 中間少少刺身Feel, 配上龍蝦膏做
汁, 香濃爽口.
金鯛立鱗燒 – 呢度食材似係藝術品. 將甘鯛魚鱗煎炸，使到魚鱗好似一塊一塊蜂巢咁伍起身, 立體感一流, 甘鯛魚肉香滑軟鮮嫩, 配上酸菜魚汁, 酸中帶麻，令到鮮味更加提升.
鵝肝多士 – 鵝肝夠哂邪惡, 鐵板燒指定動作, 鵝肝油份高, 入口即溶, 充滿回甘香味.
和牛或黑豚肉 - 和牛油花分布均勻, 牛味濃, 入口即溶, 5成熟剛剛好.
炒飯 – 一路見師傅只係落菜去炒, 心諗幾時落蛋呢? 點解炒飯無蛋嘅? 咁都係炒飯? 少年, 你太年輕了, 師傅用上高菜, 沙律醬去做呢個炒飯, 真心第一次食, 非常香口, 加上大量香蔥, 呢個炒飯, 粒粒分明, 香氣撲鼻, 果時已經飽到癲, 但都要食哂佢先對得住師傅住.
麵包脆條- 飯後甜品，香甜鬆脆嘅麵包條, 睇住佢煮糖, 溶化, 再加入去麵包上, 真係一種視覺享受。最後配一杯芝士雪糕，冰火結合, 完美結束.
鐵板燒食材用料上乘, 用上新派煮法, 鐵板燒油量少, 每一道菜同你平時食開嘅鐵板燒好唔同, 師傅有創意, 似Fusion 菜. 另外, 好鍾意師傅同店員嘅服務態度同質素, 師傅同店員都會細心介紹每一度食材, 教你點食, 點樣提昇食材層次, 又可以同你談天說地, 充滿人情味. 讚啦!!!
金鯛立鱗燒
0 瀏覽
0 讚好
0 留言
張貼
