聚聚 (已結業)

這間聚聚是間新派的中菜食店，走年輕路線，一入門口已經見到天花吊滿乾花，感受似Cafe 多些。一入座已經送上椰皇水及茶，很細心。餐廳提供的中菜多走精緻打卡路線。椰皇雞燉珍寶花膠 $88. 原個椰皇內是燉雞湯十分清甜而不油膩，亮點是有塊又大又厚肉的花膠。黑醋爆珠脆炸春卷$38, 春卷炸得香脆，咸身的春卷上放粒帶點甜的爆珠，創意度十足，黑醋減油膩感。杏汁蝦餃 $48, 聽落是奇怪，但食落又幾特別，蝦餃大粒爽彈。皇牌乳鴨$48, 店員細心上枱給客人影相，再幫忙剪開。炸得皮脆肉嫩。原隻鮑魚撻，雖然要$58隻，但不是鮑魚粒，而是原隻鮑魚，鲍鱼口感烟韧，曲奇撻皮鬆脆，原隻鮑魚下面有些菇菌，配上西式蘑菇汁，不錯。川味口水雞$68, 賣相不錯，夠大碟，雞肉不會太肥，味道微辣惹味。家鄉窩蛋銀針粉$78, 用熱窩盛上，熱度十足，用肉碎炒，再跟窩蛋撈勻，簡單，懷舊，好味。