唐宮小聚 (The L. Place)

營業中

休息中

一直以来都幾鍾意呢類較新派風格，又有一啲在其他地方搵唔到嘅創意菜式嘅中菜館。  呢度嘅連餐具都有gimmick，碟上面印有小昆蟲，幾得意，同食客開個玩笑 。一打開餐牌見到有好多嘢都想試，揀咗好耐終於order咗幾款點心同小食仲有小菜。呢度幫刈包改咗一個帶有台灣味道嘅名- 猛虎咬豬(HK$39)，豬腩肉口感腍身加上醃菜，帶少許油香，但絕對不會食完覺得成口都係油。最期待之一就係呢款好似真冬菇一樣嘅松露香菇(HK$49)! 包身幾鬆軟，鍾意入面切咗粒嘅香菇 ， 不過松露味可以再重啲。至於小食方面就order咗小食拼盤(HK108)，可以揀一款雞／豬手 +2 款其他小食，揀咗比較特別嘅蔥油樹雞，仲有雷椒茄子同埋辣鴨拉皮。蔥油樹雞味道有啲似沙薑雞，雞肉都算嫩滑; 個人唔係好鍾意辣鴨拉皮因為麻麻地香菜嘅味道。呢款黑醋雞花(HK$79) 係我整晚最喜歡嘅菜式之一 ，食落有啲似糖醋排骨嘅味道，而且啖啖肉!另一款呢度嘅招牌點心 - 玫瑰饅頭(HK$29)，賣相本屬平平無奇嘅饅頭巧製成淡粉紅嘅玫瑰花 ，饅頭質感幾鬆軟，不過一定要趁熱食!中間包住帶啲甜味嘅豆沙餡，個人鍾意點埋煉奶一齊食。 因為不