四寶食堂 (兆安廣場)

營業中

休息中

四寶食堂平時係銅鑼灣既話我最鍾意呢間新式茶記，入邊啲位好好坐野食都好好味。北海道咖喱吉列魚柳飯呢款吉列魚柳係我哋平時食開西餐Fish and chips 嗰隻炸法，超級大件。炸皮脆卜卜，但係入邊超級多汁魚柳好鮮味。好鑽！咖喱汁好濃厚，呢隻係唔辣嗰隻，唔食辣嘅朋友都可以試。百里香燒春雞伴美式炸薯條燒春雞係熱辣辣咁上枱，唔知係咪即刻燒好出泥。一咬落去爆哂汁，好香香草味又唔會太鹹，仲有少少蜜糖味。配埋粗薯條真係一流呀！雪山西多士港式嘅西多士通常係比較薄身既麵包，四寶食堂呢款係比較厚身有口感，中間既花生醬一啲都唔孤寒，外脆內軟好味！雪山紅豆冰呢杯特飲真係有啲誇張，超大杯！底層啲紅豆好軟腍夠甜，淡奶上面仲有一層極邪惡嘅cream。嘩，一啖飲落去超滿足！感覺食嘅所有食材都係新鮮足料有品質，值得一試。