影片
更多
2023-10-29
52 瀏覽
今日過去旺角同朋友食個lunch，佢帶咗我嚟呢間食越南菜～我哋係平日嘅一點到都幾多人，好彩有位，環境光猛舒服，同我朋友雞啄唔斷又叫咗好多嘢食，但樣樣都好好食！仲要質素好高完全唔似係呢個價錢，加上都好特別好多吸睛嘅設計🥰-嫲嫲南越湯-招牌金邊粉呢款佢有好多料：牛肉片，牛肋條，牛筋，牛尾，牛肉丸，油條全部都好軟冧好入味又重牛味超好食湯頭濃郁而不膩我都忍唔住飲哂🤣而麵條少少煙靭爽口好索湯😍推推推～-NVN 咖啡骨佢一嚟到我朋友仲以為我嗌多咗杯咖啡因為佢實在太靚啦佢個杯上面有啲棉花糖嗰啲咖啡落去棉花糖就會溶化啲咖啡骨熬得好冧一咬就可以分開又係超入味佢地啲心機野真係做得好好👍🏻食落仲有好香嘅咖啡味有少少棉花糖嘅甜甜地更加可以提升到肉嘅鮮味～-惹火上身鹹檸豬頸肉原來惹火上身係咁解佢哋一嚟到就點着左熊熊嘅烈火🔥🤭已經有好多朋友問我喺邊間🤓啲豬頸肉肥瘦適中好香又唔會乾連佢伴碟嘅菠蘿都好好食酸酸甜甜咁好開胃❤️-火龍芒芒蝦仁配脆蝦片以為有啲醬汁喺上面啲蝦餅就唔脆原來都好脆佢用咗火龍果嘅汁製成加埋芒果肉酸酸甜甜咁再配上脆彈嘅蝦唔好講笑真係要再叫！好岩我胃口🥹🥹-越式惹味粟米條呢碟都比我一個人食哂咁濟首先佢類
我哋係平日嘅一點到都幾多人，好彩有位，環境光猛舒服，同我朋友雞啄唔斷又叫咗好多嘢食，但樣樣都好好食！仲要質素好高完全唔似係呢個價錢，加上都好特別好多吸睛嘅設計🥰
-
嫲嫲南越湯-招牌金邊粉
呢款佢有好多料：
牛肉片，牛肋條，牛筋，牛尾，牛肉丸，油條
全部都好軟冧好入味又重牛味超好食
湯頭濃郁而不膩我都忍唔住飲哂🤣
而麵條少少煙靭爽口好索湯😍
推推推～
-
NVN 咖啡骨
佢一嚟到我朋友仲以為我嗌多咗杯咖啡
因為佢實在太靚啦佢個杯上面有啲棉花糖
嗰啲咖啡落去棉花糖就會溶化
啲咖啡骨熬得好冧
一咬就可以分開又係超入味
佢地啲心機野真係做得好好👍🏻
食落仲有好香嘅咖啡味
有少少棉花糖嘅甜甜地更加可以提升到肉嘅鮮味～
-
惹火上身鹹檸豬頸肉
原來惹火上身係咁解
佢哋一嚟到就點着左熊熊嘅烈火🔥🤭
已經有好多朋友問我喺邊間🤓
啲豬頸肉肥瘦適中好香又唔會乾
連佢伴碟嘅菠蘿都好好食
酸酸甜甜咁好開胃❤️
-
火龍芒芒蝦仁配脆蝦片
以為有啲醬汁喺上面啲蝦餅就唔脆
原來都好脆
佢用咗火龍果嘅汁製成加埋芒果肉
酸酸甜甜咁再配上脆彈嘅蝦
唔好講笑真係要再叫！
好岩我胃口🥹🥹
-
越式惹味粟米條
呢碟都比我一個人食哂咁濟
首先佢類似椒鹽粟米咁
但係反而佢係加咗啲酸酸地嘅醬係底
仲有啲脆蒜
作為傾偈嘅小食真係一流
真係想問佢配方🤣
-
香茅青蘋果茶
佢有淡淡的香茅味同埋酸酸地嘅青蘋果味
-
柑桔檸檬綠茶
我比較鍾意呢款金橘檸檬
又係我鍾意嘅酸酸甜甜嘅味道🥰
-
好難得有一間餐廳啲嘢食係咁啱我口味，俾咗好多驚喜我，價錢又唔貴我下次再同朋友嚟旺角都應該會食佢🤣🤭
張貼
