Together (已結業)

而家過年唔一定要食中餐，其實西餐都可以唔食得好開心！滿滿嘅新年佈置，氛圍感十足！價錢非常親民，而且菜式選擇都非常多👍🏻飲品單獨有一張menu，每一款都非常吸引！首先蒜蓉包嘅溫度恰當，包面非常脆口夠味，包既中心位置同底部，竟然香軟唔𠝹口，十分驚喜！烤肉醬配芝士餡餅配洋蔥車厘茄沙律~肉醬芝士夠曬香濃，加上薄薄嘅餡餅，配合得天衣無縫~手切牛小排肉醬意粉~牛小排每邊都煎至微焦狀態，香濃嘅牛肉味令人非常回味，意粉嘅軟硬度適中。脆炸天婦羅軟殼蟹什菌香草意大利飯~軟殼蟹尺寸算係幾大非常香脆，意大利飯充滿忌廉香，口感香滑