媽咪雞蛋仔

營業中

休息中

媽咪雞蛋仔真係世一雞蛋仔，而家開左好多分店，每次經過見到都一定買番一底食。今次見到新年限定出咗兩款口味雞蛋仔，有蓮蓉煎堆雞蛋仔同埋芝麻湯圓雞蛋仔，兩款都好有新年味道。我就揀咗芝麻湯圓雞蛋仔。因為即叫即整，所以店員就同我哋講要等15分鐘，芝麻湯圓雞蛋仔新鮮熱辣辣，整到外皮脆卜卜，我一咬開每一粒都充滿芝麻，芝麻味道香甜濃郁，湯圓好似麻糬咁煙煙韌韌，兩者夾埋一齊就唔會太過甜。另外叫飲品可以有5蚊折扣，我就叫咗一杯無冰鮮榨檸檬水，檸檬水味道酸酸甜甜，非常解膩，補充滿滿維他命C。