粵 (已結業)

大年初八是這個月的第一個週末, 搭地鐵半價到這裡試飲一次茶, 結果是價位太離地好難再幫襯了,脆皮鮮蝦腸粉$68烟靱軟糯腸粉皮底下是一咬即碎脆皮(好些店用的是春卷皮而這店用的是另一種類似海鮮卷用的那種)內藏鮮蝦, 腸粉皮同即碎脆皮都係無太多味道的東西只是提供口感而已, 真正想客人吃到的是鮮蝦味, 而豉油亦是盡可能的淡口(甜咸味都是),精心策劃下的下的一道腸粉, 被預計的味道出來了, 但價位是相對的出位, 紫薯煎埋仔$58 加咗紫薯餡唔知點了解個點心價旋即升格3倍, 從來無食過咁高貴嘅煎堆仔, 一定是即炸而炸功亦不會失手, 紫薯餡絕對對辦, 就當食咗個中式Tapas吧!麒麟富貴棉花雞$68 呢個就有點過咗頭了, 一來攤開晒就已經係一眼睇晒咁多材料了, 金華火腿片還是偏咸, 魚肚是索足上湯味當然係當中最好味的一件,雞肉唔係巴西雪藏貨都好明顯, 不過還是太貴同時賣相咁樣幾無想像力, 要客人俾呢個價錢即使唔使做到公仔咁出來也應該動一下腦筋, 諗下造型啩!鴻運當頭- 紅菜頭帶子餃$78 新年點心, 呢個賣相精緻好多了,但如果連加一計$85.8 認真計算的話係$28.60/隻, 就算原粒帶子上都唔過